إلى يارا
لا باعرفك
ولا كان أبوكْ صاحبى
لكن بكيت
لما رأيت
نـــــــــــــــــزفه
***
قاعد بيحلم بلحظة
ترتمى فى حضنه
بس الكلاب
مبيشعروش
ومابيسمعوش عزفه
***
يااارا
يارا الفراشة الطيبة الصافية الراقية
إزى حالك يا نونو
وسط سُجانك
وإزاى تغطى المواجع
فى برد أحزانك ؟!!
وإزاى خدود البنات مكشوفة للقتلة ؟!
ياروحهم الطيبة
بالعمر بيجازفوا
***
زهر الجناين يا عم نجم سلام
وسلام يا رفعت منّها
روحك بتحرسها تنام فى سلام
ومامتها بتغيتها وتمسح أنّها
***
راجعة
راجعة اكيد يارا
عفريتة مصرية
بتعلم الكفار
إيه معنى " حرية " .