ضمير
ضمير مخاطب
ضمير غايب
ضمير خايب
ضميرك لمَّا تتكلم
ضميرها لمَّ تتألم
ضمير وزَّك علي العملة
ضمير تأنيب وبالجملة
ضمير نايم وشد لحاف
ضمير صاحي ولا بيخاف
ضمير شايل راءات همُّه
ضمير ودَّع وسال دمُّه
ضمير العيبة ما تهمُّه
ضمير بيسكلك فمُّه
ضمير بيسيبلك الكلمة
ولا تقدر تاني تلمُّه
ضميرك مين يادي الراجل؟
ضمير بايع ضمير شاري
ضمير ميت ولا داري
ضمير عايب
ضمير خايب
يشوف الحق ويطنش
