كرسي فاضي
شعر : سمير الفيل
ماقدرشي قلبي يحبس الفيضان
كل المواسم داخلة تواريخي
وآدي كرسي فاضي
ع الشطوط قلقان
واقف ، وباستنى صديق
الموج طواه ، ولاّ الغياب؟
سمان ولسه بيتحدف
يطويه شيك
مين أغضبك
يا بحر .. بتكون مصيدة
لازرق بينده للحبايب
لجل لحظة من لقا
والريح بيمسح خد ريح الرمل
بيقول كلمته
.. ومن سكات
بيطوّح الكرسي الوحيد
وبيدفنه ويا القواقع والصدف
وبعد شهر من الغروب
.. بيكون غياب
هو كده برضه
الجروح تتداوى ..
.. وأنين العذاب؟!
....................
* نتهجى الوطن في النور ، سمير الفيل ، أصوات ادبية ، سنة 2000.
