متش كوره
.JPG)
مِش لاقيه فَرحه تِوْصَل
لحوشنا
وستى قاعده تِخبز فِطير
قالت يا بنتى يا حلوه إنتى
روحى لخالتِك أم إسماعين
وشُفيلنا فَرحه مِن جوّه فرحه
فى كدر صوره مِن قلب كوره
تِيجى وتِمشى ويفـُط قَـَلبى
بلاش يا كوره تـُحطى عندى
أصل ما عندى مَهوش كتير
رايحين نِشوفها.. قلنا يا
خوفنا
الشَبَكه تِيجى ويَّا
كاشِفنا
وأضواء مُكاشفه لكن دى كاشفه
شباب كتير ويـَّا بنات
بَنوته صوره قالت ياربى
ياربى ألَقىَ روميو وأميلْ
لازِم أصادِف قدرى واناكِف
عُيون جَميله والدُنيا ليلْ
وشاب أسمر ومعجبانى
رايح يشَّجع بِفلوس كتير
وينسَى همَّه.. ده اللى يهمــُّه
فريقنا يكسب بفروق كتير
وعم رُشدى بيقول يا بيببسى
يا بيبسى حِسى وجَعتى حِسى
وف داهيه روحى طلـَّعتى روحى
وشِلتِى خيرى وشِلت شيلْ
سِتات هوانِم قالوا ولازِم
نِروح نشَّجع دى الفرقه أهلى
وأهلى يا اهلى ظلمونى لمَّا
سابونى أجرى
وواد صُغير أمور منـوَّر
لاهوَّ فاهِم ولا هو يدِرىِ
إن كانوا أهله أو كانوا أهلى
دى الزحمه لمَّه
واللى يهمـُّه
يروح يشَّجع ويقول يا أهلى
والأخ رايح.. ويَّا اللى
رايحْ
عايز هناك ينسَى الهُمومْ
وناس فخامه يا الله الندامه
إن رُحت أبيِّن إنى عِرفتْ
وأجرى بِسُرعه على حِجر سِتى
وأقول ياحوستى!
مَلقِتِش فَرحه تِوصَل
لِحوشنا
لَقيتها كوره فى متش كوره
ولِعبة فوره
ترقيصه حِلوه
وتَمريره صوره
