'تعيش وتزرع
ياسر العمورى
يا ليل الغربة
وحشانى التربة
والطرقة واللمة والناس ,
وحشانى القشة
والقمحة والقصبة
والميه والشمس والفاس .
وحشانى الضحكة
والدمعة وريحة الطين
ورملة بيضا تنباس
وحشانى يا مصر
يا نسيم العصر
وحشانى ,, وحشانى
والقلب ف حرقة
والفكر محتاس
أشوف القشة
تملانى الدهشة
ويتفجر ف كيانى الشوق
وينغرز كل الشوك
ويتفجر كل الإحساس
أنزل بحنية واطاطى
وأمد الإيد,,
أشم فيها ريحة الأرض والعيد
كأنها ماسة حساسة
وحبة ف العقد الفريد
أبوسها واخاف تنداس
كأنها حتة من ضلوعى
أمرتنى برجوعى
وروت لهفتى بدموعى
يرجع ليكى يابلادى
ولسه يناير ناير ف عنادى
رغم شكوتى وجرحى وسهادى
برجع ليكى وعايد
والخير ف يدى زايد
رغم الحفر والمكايد
برجع وانتج و أزرع و أزرع
برجع وأنتج وخطوتى أسرع ’’ و ’’ وأسرع
أزرع زيتونة
أزرع ليمونة
أزرع نخلة طيبة ومجنونة
ووردة حلوة ومزيونة
بزرع قمحة
وقمحة
وقمحة
بالضحكة
والغنوة
والهمسة
بقاوم كل الأفات
بصرف كل الألفات
أجمع عيدان القمح
والأقماح والقمحات
وأربطها لفات
أرصها بعناية و حرص
لجل تكون ف ثبات
وأفرش تحتها حصير و برش
بعيد عن الحصى والحجر والكرس
أشتريت خلاص الشولات
وإبرة ومسلات
وخيوط كور ويكرات
وبكرة مع طلوع الشمس الدراس
آآآآآآآآآآآآآآه ’’ يا ناس
ما أصعب الإحتياس
هى عيونى زغللت
ولا الدنيا قدامى ضلمت
ياصبح الغنوة الفرحة
إزاى ف لحظة صورتك عتمت
دى أرضى أنا ؟؟
دى أرضى أنا !!
دا محصولى أنا ؟؟
دا محصولى أنا !!
هى دى الحدود .
وهى دى السدود ,
وهى دى الشوق
وهو دا بطالنا المعهود
هنا جارى حافظ
وهنا جارى محمود
وهنا القصب مفرود
وهنا زرعت كام عود
فين جرن القمح ؟؟ !!
الجرن إندرس ف الليل .
فين القمح ؟؟ !!
القمح إنسرق ,
ف التبن ورقة مغروزة
و بخط اليد مكتوبة
وبين قوسين : ’ .
(( تعيش وتزرع ))
إحنا درسنا الجرن
ومبروك عليك التبن ,
بقلم / ياسر العمورى
وحشانى التربة
والطرقة واللمة والناس ,
وحشانى القشة
والقمحة والقصبة
والميه والشمس والفاس .
وحشانى الضحكة
والدمعة وريحة الطين
ورملة بيضا تنباس
وحشانى يا مصر
يا نسيم العصر
وحشانى ,, وحشانى
والقلب ف حرقة
والفكر محتاس
أشوف القشة
تملانى الدهشة
ويتفجر ف كيانى الشوق
وينغرز كل الشوك
ويتفجر كل الإحساس
أنزل بحنية واطاطى
وأمد الإيد,,
أشم فيها ريحة الأرض والعيد
كأنها ماسة حساسة
وحبة ف العقد الفريد
أبوسها واخاف تنداس
كأنها حتة من ضلوعى
أمرتنى برجوعى
وروت لهفتى بدموعى
يرجع ليكى يابلادى
ولسه يناير ناير ف عنادى
رغم شكوتى وجرحى وسهادى
برجع ليكى وعايد
والخير ف يدى زايد
رغم الحفر والمكايد
برجع وانتج و أزرع و أزرع
برجع وأنتج وخطوتى أسرع ’’ و ’’ وأسرع
أزرع زيتونة
أزرع ليمونة
أزرع نخلة طيبة ومجنونة
ووردة حلوة ومزيونة
بزرع قمحة
وقمحة
وقمحة
بالضحكة
والغنوة
والهمسة
بقاوم كل الأفات
بصرف كل الألفات
أجمع عيدان القمح
والأقماح والقمحات
وأربطها لفات
أرصها بعناية و حرص
لجل تكون ف ثبات
وأفرش تحتها حصير و برش
بعيد عن الحصى والحجر والكرس
أشتريت خلاص الشولات
وإبرة ومسلات
وخيوط كور ويكرات
وبكرة مع طلوع الشمس الدراس
آآآآآآآآآآآآآآه ’’ يا ناس
ما أصعب الإحتياس
هى عيونى زغللت
ولا الدنيا قدامى ضلمت
ياصبح الغنوة الفرحة
إزاى ف لحظة صورتك عتمت
دى أرضى أنا ؟؟
دى أرضى أنا !!
دا محصولى أنا ؟؟
دا محصولى أنا !!
هى دى الحدود .
وهى دى السدود ,
وهى دى الشوق
وهو دا بطالنا المعهود
هنا جارى حافظ
وهنا جارى محمود
وهنا القصب مفرود
وهنا زرعت كام عود
فين جرن القمح ؟؟ !!
الجرن إندرس ف الليل .
فين القمح ؟؟ !!
القمح إنسرق ,
ف التبن ورقة مغروزة
و بخط اليد مكتوبة
وبين قوسين : ’ .
(( تعيش وتزرع ))
إحنا درسنا الجرن
ومبروك عليك التبن ,
بقلم / ياسر العمورى
