حيطان جيران
بيوت حارتنا مِن غير بيبان
وجوّه بيتنا حيطان جيران
وحيطه حيطه طـبللـِّى زيطه
دانا نفسى أسمَع صوت الحيطان
وكلب أبيض بشعَرُه يُنفـُض
تـُراب سِنين مَلهَاش دوَا
قـُُلت ياصاحبى إيه يعنى
عندى
فراغ كبير مليان حيطان
الدُنيا صوره قوم ييجى دُوره
يقوم يلبـِّى صوت الأدان
الله أكبر الله أعظم
وع المصطفى صلـَّى البيان
وبَيَانـَّا شاهد على كل
شاهِد
وكل شاهِد تحتيه قبور
تِنطق تقول يالله تعالى
يا قلب باشا
ده اللى ف حُضنى مَهوش أمير
أمير غَفير مَعدِتش تِفرِق
ده اللى هيفِرق مَهد التـُراب
من عَهد آدم وموسى عيسى
وكل آدم للعدمْ
صبَاح مجلـِّى جالى وقاللى
صبَاح يا ورد ع الأنام
أصل وصوره عفريته جايز
مكسوره هيَّ ع الرُخام
وضريح يشيِّب مِن غير
مانكِدب
وإسمى مكتوب والسلام
وتِفضَل حارِتنا واسعه وبعيده
ومِن غير بيبان
وجوَّه بيتنا حيطان جيران
وحيطه حيطه طـبلـّى زيطه
دانا نفسى أسمع صوت الحيطان
