انا مش مهيّأ للصراخ في السوق
والقلب ناوي يسوق معاكِ الغبا
يا سارقه فرحة كل شيء مسروق
يا غنوه كانت ملهمه ومتعبه
الفقر جاحد والمحبّه نشوق
وانتِ الحكاوي ولمّة المسطبه
يا درّة العنقود في وسط الطوق
يا واكله ناسك يا امّ روح مرعبه
صلّيت وراكِ وصوتي كان مخنوق
........ ودفعت فرق محبتك بالربا
فما تعتبيش على قلبي وقت الشوق
أنا قلبي طيّب وانتي مش طيّبه
تايه ما بين المرئي والمنطوق
محتار في شكل الضرب والطبطبه
أنا حلم فايت واللا أنا مخلوق؟
أنا ذنب بطنك واللا مش مذنبه؟
والقلب ناوي يسوق معاكِ الغبا
يا سارقه فرحة كل شيء مسروق
يا غنوه كانت ملهمه ومتعبه
الفقر جاحد والمحبّه نشوق
وانتِ الحكاوي ولمّة المسطبه
يا درّة العنقود في وسط الطوق
يا واكله ناسك يا امّ روح مرعبه
صلّيت وراكِ وصوتي كان مخنوق
........ ودفعت فرق محبتك بالربا
فما تعتبيش على قلبي وقت الشوق
أنا قلبي طيّب وانتي مش طيّبه
تايه ما بين المرئي والمنطوق
محتار في شكل الضرب والطبطبه
أنا حلم فايت واللا أنا مخلوق؟
أنا ذنب بطنك واللا مش مذنبه؟
........................
سعيد شحاتة
