كِبـْرِت حَبيبتى
.JPG)
ضِحكه بَريئه يِمكن جرَيئه
وعيونها كـَحـْله مِقَطقَطه
سُكر زياده وليها عاده
تـُـقـْـعد تغنى ف الفضَا
قالِت لابوها يا والدى جايز
بحبَّك أكتر
وجايز كمان
عشان بفَكر
هبقى خيال جوّه الندىَ
أبوها قال يا دُنيتى
ليه أزمِتى معاكى إنتى
مُختلفه إنتى عن العيال
خوفى عليكى بيزيد ولكن
هحُط فيكى صَبر الجِبال
قالِت يا والدى بَس إوعى تِمِشى
أحسن بحِسى هتوه ف حال
وثباتى حتما هَينهزِم
وكِبرت حبيبتى..جميله لكن
فى حُزنها الدمع سال
صَِلـِّت ياربى فين الحقيقه
دِلونى يا اهل سَلوتى
مَاَشيه وسَايره لكن ِمغايره
أصل حبيبتى مؤدبه
وبنت عِز وبِنت أصلْ
تـقع فى فصل وتقوم فى فصلْ
والعُمر عدَّى والصبر هدَّه
وأنا بِنتى لسه مؤدبه
لكن لإمتى ثَبات لإمتى
ده خَلقَه فيها يِفترِض
تعيش تِحب وتجيب عيال
تِنام فى حُضن يِضُمها
لكن سَرَاب.. حلم تـُراب
كحِلم أختى وعَمتِى
أصبح مُحالْ..
ومن حَاَل لِحَالْ
قال قلبها و بحِس عالْ
وبِرغَم كل الإحِتمالْ
هفضل ثَباتْ
واعيش تباتْ
فى وحِدتى
ف عقلى وروحى وسُكنِتى
وَهفضَل بَريئه يمكن جَريئه
وعيونى كَحَله مَقطقطه
سُكر زياده وليَّا عاده
أقعُد أغنى ف الفضَا
وأقول لابويا يا والدى جايز
بحبَّك أكتر
وجايز كمان
عَشَان بفكر
هَبَقى خيال جوه الندىَ
