زحمه عيونك
محمود مرعى
زحمه عيونك
ويا مين يعدينى
أنا سبت طينى
وقاعد بين خطاكى أهيم
حادى بيصرخ
بس مين سامع
حاسس كأنى
مدنه بلا جامع
صوتى بيطلع
ينتهى بالريح
أصرخ يقولوا
اللى قلته صحيح
وأشوف عملهم
انكفى قاعد
يا صبح واعد
مين كسر المقاديف
حلمى اللى سبته
بين رحاية الليل
ومضة فرح
جوه قلب عليل
طلع الصباح
والدم فى كفوفى
أنا شفت خوفى
بيضحك ع اللى
فى جوفى
سالت ملامحى
بين حنايا الطين
مديت خطايا
يمكن أوصله
هربت شوارع
كنت اعرفها
بصت عليا
ودست العنواين
تايه مابين
سَحرى وبين نَحرى
وانتى حبيبتى
يا ام كف حنين
حلمى اتولد
ورموه فى حضانه
ويجينى صوت
" محتاج لجبانه "
ابكى واجاهد
لجل دمعى يجف
امتى يخف
حملى اللى شلته وحيد
يا نهار عنيد
تايه بلا مرسى
انا قلت ترسى
على شطى
فى يوم معلوم
جات الهموم
فى خطو حراسك
وخلعتى ناسك وعهدك
لجل تبقى فوق
ورمتنى تانى
بين خطاوى القوم
تايه فى زحمة
قلبها القاسى.
محمو مرعى / الأقصر .
30/1/2012
