- وكأني في عشقك ،درويش
،،،،،،،،،،،،،،،،،،،،،،،،،،،،،،،،،،
طالع م الأغصان ، وبافـرّع
علي سور طالع
...جنب جنينه
شمس الكون من قلبي
بتطلع
وبتزرع ، ورده ، وياسمينه
بادخل قلب نقايه
باعيش
وباكون موجه - علي
الكورنيش
جار نخلايه ،، وجنب
يمام ،
بافضل اغاغي – مابتجاوبيش
ماشي كأني باطير طيران
باقدر ع الأحزان
وباعيش
في حارات الأنوار
باتمطوح
يمكن لما أشوفك
أفرح
علي غصنك ، ياجميله
وباصدح
وكأني - في عشقك
درويش
لابس أبيض
هدمتي ، خضــــــرا
وكأني المجذوب
في الحضره
أشواق من أحبابي
بتتري
خايف قوي من ســـهم
يطيش
حاسس ليه مااعرفشي كأني
غصب عـــني
وكأني في عشقك – درويش .
حاسس إني ، باروح مالقاش
أنا عصفور ، م الفجر بازقزق
ووليف ساكن في الأعشاش .
لسه مكانك بارد ، فاضــــي ،
عارفه باحس
لوحــــــــدي – بإيـــــــه ،
إنا وحــــدي
في غرفة إنعــاش .
،،،،،،،،،،،،،،،،،،،،
محمـــد كشــــــــــــــيك