تسرعت !!
ما فاتش من الزمن سنوات
وجيتى
خلعت جذورى من بدرى
وأنا لسه بفتّحلك دراعاتى
وأحضانى ّّ
وهيّأ نفسى للجنة على ايديكى
أتارى حبك الماضى
رجع تانى يصحيكى
ويبكيكى !!
رجع يبنى ما بينا جدار
وأنا صابر وبتعذب
وأشوف فى عيونك الحيرة
تلوعنى وتضنيكى
وتسرق من عيونى النوم
ولا اقدرش على بعادك
واقدم كل ما أملك
لأسعادك !!
تخطّى أكون ضلك
فى ابداعك أكون فكرك
فى لوحاتك أكون رسمك
فى فرشاتك أكون اللون
وأتمرغ فى الظلال والنور
أكون برواز لأعمالك
وأقول للناس
على الأحساس فى تعبيرك
وتصويرك وتفكيرك
وتيجى بقسوتك بدرى
تصحينى من الأحلام
ولاقى سنينى وياكى
كانت أوهام !!
حكمت على ّ بالأعدام !!
تسرعت !!
تسرعت وانا لسه
بموت فيكى
اعيش بيكى
واعيش ليكى
تسرعت !!
تسرعت !!
محمود خفاجى
