نفسي أكون نفسي
من غير ماكون مشطو ر في المراية اتنين
من غير ماكون عصفور وحداية
أو ضفدعة وتعبان ،
قطة وفار ،
والكلب بيهز ديله بيراقب المشهد
مولد وصاحبه لا حاضر ولاغايب
كل الوشوش لابسة القناع
والكل متنكر ومرعوش
يرقص كما المدبوح
من غير غنا وإيقاع
حتي الكلام في الحنجرة واقف
والشفايف عطشانة للضحكة والكلمة
والخوف معشش
الكل مسجون وسجان
وأنا هناك ومش هناك
وأنا هنا ومش هنا
جوايا مليان وفاضي
جعان وشبعان
سليم وعيان
اتنين في واحد
والصورة في النني
أبيض وأسود وبالألوان
من غير ماكون مشطو ر في المراية اتنين
من غير ماكون عصفور وحداية
أو ضفدعة وتعبان ،
قطة وفار ،
والكلب بيهز ديله بيراقب المشهد
مولد وصاحبه لا حاضر ولاغايب
كل الوشوش لابسة القناع
والكل متنكر ومرعوش
يرقص كما المدبوح
من غير غنا وإيقاع
حتي الكلام في الحنجرة واقف
والشفايف عطشانة للضحكة والكلمة
والخوف معشش
الكل مسجون وسجان
وأنا هناك ومش هناك
وأنا هنا ومش هنا
جوايا مليان وفاضي
جعان وشبعان
سليم وعيان
اتنين في واحد
والصورة في النني
أبيض وأسود وبالألوان