مضمضة
لساكي
ياسنين
لسانا
جوه في بقك
مضمضة
لسانا
نافخين الخدود
مدحرجين
بينها
يمكن
ننول الرضا
لساكي
ياسنين
انا مش
بعاتبك ياسنين
ولا
جايه اقول العيب
خرج منك
هنا
انا بس
عايزة اسالك
لما
الرضيع يرضع خلا
والجوف
مرارة يتملا
والشق
فينا يتعلا
والكل
شغلاه مساله
لما
يموت
القبر
يبقي من رخام
ولا
تتاوية المسكنة ؟؟؟
فين
الغلط؟
مقدرش
غيرك اساله
الكل
مشغول جدوله
الخطة
مرسومة كده
ان
الشجر يطلع لفوق
والجذر
يفضل هو تحت
وعشانها
توصل للنجوم
في
الأرض ينزل هو نحت
لا مش
كده
متبلميش
ناخد
وندي في الكلام
ليه غاوية
ترمي في الدقايق
ونعيش
نقول كنا زمان
طب ليه
كده؟
ده احنا
غلابا
لو يوم
هيغدر حد منا
بيقولنا
ناخد حذر
والبخت
لما ينعوج
بالحمد
نشكر القدر
ومتزعليش..
لو يوم
بلع الجذر مدك
مش راح
نقول
انتي
السبب وحدك
غلطان
كبير..
الي
يفكر انه يوم قدك
ميادة حبيب