أول ما اموت ..
كل اللي كانوا بيكرهوني أوي ..
حيدَوَّروا عليَّا
حيفتشوا عن قصايدي
و عن سيرتي الذاتيه
حيدوروا على صوره كنت باضحك فيها
و ينشروها كلهم
و حيكتبوا فوقها
تقريبا ..
آخر جزء من قصيده قديمه ليّا
إسمها( و ناسي أقول لكم على حاجه )
حياخدوا آخر سطر بالتحديد ( أنا مش حاموت دلوقت )
حيعيطوا بصدق ابن كلب
حتعَلم دموعهم ع الخدود
و احتمال وارد أوي
أول ما تنشف ..
تلاقي إسمي و ملامحي محفورين ف وشوشهم
أصل هوَّ الموت كده
بيجبر الناس ع الحقيقه
و الجمال
و الحب