(نرجس)
قدر الحزين شبكه قاله لفين ياطريق
ضحكت له عين وغمزت صنارة الالم برفيق
قدر الحزين شبكه قاله لفين يا طريق واصل
ضحكت له عين وغمزت صنارة الالم برفيق واصل
قدر الحزين شبكه قاله لفين يا طريق واصل هنا ولا بعيد
ضحكت له عين وغمزت صنارة الالم برفيق واصل من هنا لبعيد
يااااه
ياشوقة الرايح بلا وجهة
يا حسرة الراجع بلا زغاريد
يا نااس
بينكم نرجسة تخصنى
ما خرج منها شذا
الا بإذنى
مانبتت اصلا
الا من دمى
ياناااس
بينكم نرجسة
وشمت بيها أيام ربنا
الطويلة الموحلة الكنزة
ضحكت ل شجرة تحتها مستظل
بص
وقال بحب
سرجت عينه من هنا
لبعيد
يااه
ياشوقة الرايح بلا وجهة
يا حسرة الراجع بلا زغاريد
.......
ملكت دراعينى
فردتهم
ملكت قلب
كان على راسى
وربنا وحده يعلم ما بدر من حب
للطير بقى
من اقاصيها لأدانيها إنه ييجى
وينتشر وييجى ينتشر وييجى
ملكت روحى
جعلتها فوضى
خافى وارتبكى
الخرابة يا حبيبتى
حمى الالوان ياصديقتى الطفلة
الخرابة حاسبى
جذمتك
وابتسامتى
........
شيلى الحجر بعد إذنك
لا أحد أحد
شيلى الحجر بقه
لا أحد أحد
انتى غيرك
انا غيرى
الناس وشوشهم محايدة
والبص ف عنيهم يخوف
......
اصلبو طولكم ك جامع
واقفو كلمونى
راجل ل راجل
مأذنة لنجمة
موال لعاشق
قنبلة لفدائى
كلمونى
راجل ل نجمة
مأذنة ل عاشق
موال ل فدائى
قنبلة للنرجس
......
مرتخية
على لحم مش لحمى
جايبه عيال مش اخواتى
ملناش أم مشتركة
ابص ف عنيكى إزاى
وأقولك أيه
اه
اتعلمى تحبينى وازرعك بستان
واقلعك نرجس
يالغلابه نرجس
يالعاشقين
يالناس
تحت الفستان بستان
ياعينى
شوفته بعينى
حبينى يا عينى
أقطفك بإعتنا
واحن ع التنيات
بعدك فرد تنيات
بعدى باب اتفتح خلسة
مخبى عاصفة للورق
مطرة للزرع
وللغلابه نرجس
يالغلابه نرجس
