كل واحد فينا عارف
مين هرب وساب
ميدانه
واستخبى جوه
ذاته
ومين ثبت رغم
امتهانه
ومين فى وسط العركة
غامر واحتمى
ف قوة زناده
كل واحد فينا عارف
مين فى قلب الحق
داهن
وم اللى هادن
واللى خان عشانه امانه
واللى باع نفسة
لشيطانه
واللى صور له خياله
انه قادر
وانه ملهم
وانه مالك للحقيقة
وانه مبعوث العناية
والحقيقة
كل واحد فينا صدق
الحكاية
وعاش بيحلم بالبداية
رغم اننا عايشين
ف احضان
النهاية
..................
حسن وهبه