وكل حاجه مخوفاني يا بلدي منك اني فيكي مليش مكان
وكل ما فيكي ناكرني اموت اعيش ميهمكيش ابات جعان
لا حضن دافي يضمني
يرفعني وسط الخلق
يقول ده ولدي .. ملشجعان
اوقات تبصي وابصلك
انا اعشقك فتقتليني
واسكنك وتغربيني
لا عدت فهمك ولا تفهميني
ما تعرفيني واعرفك
وتجهليني و انا احفضك
راسم خريطتك فوق جبيني
وابنيكي تكسري ضهري
يا سيف في جنبي
يا مرار الصبر
يا حلاوة الفجر
يا جنان عدنان
هو انت قاسيه بصحيح ولا انت بس .. بتأدبيني ؟؟
عشان اسأت الادب
يوم ما حلمت بشمس ضهرك دهب
و بمجد ارضك عجب
يوم ما بنيتك في خيالي
ولا عرفتي السبب ؟
شوفتي ان نيلك حبله وريدي ..
وان ميلادك ميلادي وبقول ده عيدي ..
ما هو انت امي .. وفيها ايه لو ربتيني
بس يا غاليه وغلاوتك
خفي علـ قلب قساوتك
وتعالى يوم وطمنيني
قوليلي يابني ..
يا ابن بطني ..
فكريني
انه ليا سند ..
مش ماشي مكفي
وفي كل خطوه بتخزليني
