هز الهلال
فوق كل خاين
أوجبان
فوق كل ايدبتقطع
للحياه شريان
والموت هناك
عمال بيسأل فى العيال
داير يخبط ع البيوت
والفرحه ماتت من زمان
واحنا هناك
فاتحين شبابيك الجراح
ولاميت كفن
كان مفترض
لما الخريف يبعت رياح الدم
ويعرى البدن
انك تغنى للحياه
زى الخلايق كلها
شدالرحال للمبتدا
مليون حياه
وافرد تراتيلك ميدان
من جوه منك للسما
هات الليالى الطيبه
الكل داق طعم الألم
ياااااااه ع الحياه
والدم ريحته فى الهوا
والدمعه على خد الوطن
بقى مش حرام
انى أموت
وف أى دين
ملعون ابوك
ياللى بتقتل فى الولاد
حب الوطن
