شجرة كافور ...
يوم ميلاى زرعها ابويا
وسط شجر التوت...
ميل عليها ولد
مستنى منها طرحها
طال انتظاره …هزها
تعبت ايديه ...
شدها من فرعها المكسور....!
وهى تبكى ...
بس حاسة بعجزها
كان نفسها تحدف له حبة توت
لكنها ما كانتش تملك غير…
…حنينها و …ضلها... !
سابها الولد
وراح يدور عالشجر
اللى بيطرح توت...
ما بقاش يطوحها الهوى
سكنت سكنها العنكبوت ... !
نسج على جزعها
علامة موت…
شجرة ميلادى زرتها
وما فيش على كتفى ولد
ولا فى حجرى توت
يا حلم كان على جسر ايامى
امل مبدور
كان نفسه يطرح لكن ...
…ارضه كانت بور
يا فرعها الناشف
يا ضلها المهجور
مكسور فروعها ولا…
قلبى انا المكسور ...!
