ماتجيش على العصافير
أوعى تفكر إنها
مطلوقه بلا صاحب
وضعيفه بلا قوه
أوعى تهوّب ناحيه الدوله
ماهى دوله العصافير
بتحب من جوّه
وتحس مين هو
وتثور ...هياج نوّه
ماهى دوله العصافير
جيش أمنا حوا
طول عمرى شايف
رقه العصفور
غنوة العصفور
طيبه العصفور
دوله.......
ولكل واحد دور
ماتجيش على العصافير
أوعى تفكر إنها
لوحدها فى سماه
أو إنها
مطلوقه عميانى
فى أى سرب وتاه
أو إنها
طايره بدون إتجاه
إزاى تفكر
زى كفار الحياه
ودوله العصافير مؤمنه
برزق كف الله
بتصوم وبتصلى
وتصبر على الصياد
ونبلته وآذاه
ماتجيش على العصافير
فى حد عاقل
يحارب....
دوله أمنا حوا
اللى طوقها
ربنا برضاه
ماتجيش على العصافير
أنا لىّ عصفوره
فى قبضه عينك الفارغه
وف مرمى البندقيه
وبعيده علىّ
أوعى تفكر إنها..
صيدتك الجايه
أوعى تفكر .....
تصيد....
عصفورة الحريه
إنت فى مرمى
طلقتى ....
اللى بتتسحب
على فتحة البندقيه!!!!!!
