اتغابى كمان اتغابى
واقلب فرحتنا كآبة
بقى بعد ما قلنا خلصنا
والثورة رفعت راسنا
نرجع لقانون الغابة
قاعد تنتع قرارت
كنت بترفضها زمان
عايز تقفل دكان
وتزوّد ف العاطلين
وتسيب هيلتون سهران
والفقرا يسبوا الدين
هو انت حمار يا حمار
ولا انت من الخرفان
تبع الشلة النصابة
بتوفر قال ف الطاقة
وسايبها لتل أبيب
ومخلي عدوي حبيب
وبتلبس وش براءة
وجبينك زارعه زبيب
بنقولها بكل جراءة
بطّل كدب وألاعيب
دا اللي بيعوزه البيت
يحرم ع الجامع يا ابا
جاي تسجن فـ الثوار
وتطبطب ع الإرهاب
والفاسدين بقوا أحرار
ومصاحب كام نصاب
صحصح وافهم يا روح امك
قبل الثوار ما تلمك
مع صاحبك ف الزنزانة
بيتك بيتك احسن لك
وبلاش لف ودوران
الا اللي حصل يحصلك
وتلاقي روحك غرقان
