إلي "عم نجم"
شغال مداح
من غير ممدوح
ياكش نبينا
بستان الروح
بالصلا ع الزين..
من بعده مفيش
صدقني يا خال
مفضلِش كلام!
و المهنة بتفقد مخزونها
زي الدخان
مبقاش غير لمة بعضينا
و التجميعة
في كلام ينده ع السميعة
و كلام محتال
و أنا عارفك و إنتا متعرفنيش
زي ما بيقولك ف الأمثال
من عاشر القوم
و العشرة مهياش عشرة يوم
دانا عايش ويا قصايدك ليل..منزوع النوم!
و بردد قافيتهم جهرأ..زي المجنون
و غرقت ف بحر الشعر صحيح
علشان مكتمتش جوايا..
و يخل توازني الموج و الريح
و بعلق نفسي ف قشايا..
مع إن كلامهم كان موزون
صدقني يا خال المدح خلاص
لا يجيب همه
ولا بقي يعرف يصطاد غزلان
و الشعر ف ناس عايزه تخمه
يحرق دمه
فا يصير وساس ياكل ف ودان
اللي أتغموا
لكن ف قصيدتك بلقي كلام
بيجرجر قلمي يروح بعماه..
و أنا خفت إني أكتب من هيبتك
أصل أنا مداح علي باب الله..
و الشعر صحيح تواشيح
و رثاء و هجاء
و غزل و مديح
و الكل متاح
بس أنا مداح!
مقدرش أرثيك..
صدقني يا خال
من غير تعوايذ
ولا سحر بيكشف أسرارك..
أنا يمكن أضعف م التلاميذ
اللي بتتعلم أشعارك..
و أهو بكره أكيد هصبح جارك..
و هقابلك فوق
و نغني و يبقي علينا الضوء
و أكسر بإيديا بيبان الشوق
زي المجانين..
صدقني يا خال
أنا أصلي بحضر للمشهد
ده لأن مفيش ولا شئ يتقال
يوفيك بالشعر يا "عم أحمد"
أنا بوصف مين؟!
و أنا واثق إنك لو عايش
هَطُس يمين..
و تأكد إن الموت دية
و غتيت أوي إبن الفقرية
مش ع الأموات!
و لكنه أذية علي العايشين..
أه يا موت يا عريس كل الحلوين..
من غير ممدوح
ياكش نبينا
بستان الروح
بالصلا ع الزين..
من بعده مفيش
صدقني يا خال
مفضلِش كلام!
و المهنة بتفقد مخزونها
زي الدخان
مبقاش غير لمة بعضينا
و التجميعة
في كلام ينده ع السميعة
و كلام محتال
و أنا عارفك و إنتا متعرفنيش
زي ما بيقولك ف الأمثال
من عاشر القوم
و العشرة مهياش عشرة يوم
دانا عايش ويا قصايدك ليل..منزوع النوم!
و بردد قافيتهم جهرأ..زي المجنون
و غرقت ف بحر الشعر صحيح
علشان مكتمتش جوايا..
و يخل توازني الموج و الريح
و بعلق نفسي ف قشايا..
مع إن كلامهم كان موزون
صدقني يا خال المدح خلاص
لا يجيب همه
ولا بقي يعرف يصطاد غزلان
و الشعر ف ناس عايزه تخمه
يحرق دمه
فا يصير وساس ياكل ف ودان
اللي أتغموا
لكن ف قصيدتك بلقي كلام
بيجرجر قلمي يروح بعماه..
و أنا خفت إني أكتب من هيبتك
أصل أنا مداح علي باب الله..
و الشعر صحيح تواشيح
و رثاء و هجاء
و غزل و مديح
و الكل متاح
بس أنا مداح!
مقدرش أرثيك..
صدقني يا خال
من غير تعوايذ
ولا سحر بيكشف أسرارك..
أنا يمكن أضعف م التلاميذ
اللي بتتعلم أشعارك..
و أهو بكره أكيد هصبح جارك..
و هقابلك فوق
و نغني و يبقي علينا الضوء
و أكسر بإيديا بيبان الشوق
زي المجانين..
صدقني يا خال
أنا أصلي بحضر للمشهد
ده لأن مفيش ولا شئ يتقال
يوفيك بالشعر يا "عم أحمد"
أنا بوصف مين؟!
و أنا واثق إنك لو عايش
هَطُس يمين..
و تأكد إن الموت دية
و غتيت أوي إبن الفقرية
مش ع الأموات!
و لكنه أذية علي العايشين..
أه يا موت يا عريس كل الحلوين..
محمد عباس
