والله ماشي يا أمّي ع القد القديد
شعر/ سعيد شحاتة
شعر/ سعيد شحاتة
*************************
طعم القديد في الحلق يشبه طعم روحك في الخلايا الميته بالظبط
موجوع قوي وجربت أموت ما قدرتش امبارح
فقررت إن أعيش واقف على رجلي اليمين
ومصدّر الرجل الشمال لمؤخرات السيارات الأجره
وضهور السكك
ومشاعر البنت اللي رافضه دخول شوارع جنتي المليانه بالنرجس
وبعيدان البخور المغربي
بالحر والأسفلت وبنار لاغتراب وبريحة البنزين وغلقان الدره المشوي وبلاليص العسل
ومواكب الدبان وأنهار الكاكولا البايته والمراجيح
أنا مضطر أعيشها قبيح إذا لزم الكلام والأمر هذا القبح
مجبر أمر ف أرضها مرور الكرام لما الكرام يتمردوا ع البؤس ويدوسوا الوشوش البائسه المستسلمه للصمت ولظلم الحارات الضيقه وقهر المشايخ والمدن
ويكونوا أمر بينحني للريح إذا سلّم راياته لمطلب الثوار وساب الموج يغطي براعم الحنضل ويروي بملحه كل شقوق حيطان قلب البلاد الميته من البرد
ويسيب نصيب للورد ف محيط القصور الواقفه زي السيف على رقاب الحياه
القلب بيقاوم على آخر ما يدّيه ربنا من عزم
والجسم بيحارب جحافل موكب السلطان بكل قواه
ارحمنا من وجع العبيد لحظة قبولهم ظلم مولاهم عشان القرش يا الله
موجوع قوي وجربت أموت ما قدرتش امبارح
فقررت إن أعيش واقف على رجلي اليمين
ومصدّر الرجل الشمال لمؤخرات السيارات الأجره
وضهور السكك
ومشاعر البنت اللي رافضه دخول شوارع جنتي المليانه بالنرجس
وبعيدان البخور المغربي
بالحر والأسفلت وبنار لاغتراب وبريحة البنزين وغلقان الدره المشوي وبلاليص العسل
ومواكب الدبان وأنهار الكاكولا البايته والمراجيح
أنا مضطر أعيشها قبيح إذا لزم الكلام والأمر هذا القبح
مجبر أمر ف أرضها مرور الكرام لما الكرام يتمردوا ع البؤس ويدوسوا الوشوش البائسه المستسلمه للصمت ولظلم الحارات الضيقه وقهر المشايخ والمدن
ويكونوا أمر بينحني للريح إذا سلّم راياته لمطلب الثوار وساب الموج يغطي براعم الحنضل ويروي بملحه كل شقوق حيطان قلب البلاد الميته من البرد
ويسيب نصيب للورد ف محيط القصور الواقفه زي السيف على رقاب الحياه
القلب بيقاوم على آخر ما يدّيه ربنا من عزم
والجسم بيحارب جحافل موكب السلطان بكل قواه
ارحمنا من وجع العبيد لحظة قبولهم ظلم مولاهم عشان القرش يا الله
عديت على روحي ف ميادين ربنا بتضحك
وبتبوس الغلابه برقه وبترسم لهم معنى الحقايق ساعة المعاناه
وبتسلم عليهم دونما استثناء ولا استحياء
النيل ماهوش صافي البدن
وملايكة الليل مش معاهم كشافات لمواجهة الشياطين في أوكار شارع الهرم الموصل للحضاره بشكلها الموجع.. ولا شارع "كلوت" باشا المسافر بين شرايين المدينه المخلصه للزحمه والطرابيش
طالع وشايل ع البدن ضحكة ولادي وغول رغيف العيش
يا أيها الدرويش ما تنساش القصايد كلها
وتركز العين ع السطور الخارجه عن متن الصدى
اسمي طلع مش زي اسم الناس
وشكلي المختلف سبب لي أزمة لاعتراض على كل شيء
رديت على خطاب الرئيس للأمه بالعمّه اللي لفيت نصها فوق جتتي
وصممت ما اسمعش الكلام بالقطن في وداني
أنا لسّه حيّ وماشي باتنفس برغم محبتي لمواجهة الأباليس في أوقات الوضُو
ما اعرفش مين أصبح عدو ومين صار حبيب
ماشي وكأني أديب بيتهجى الطرق بالشعر والتفانين
تعرفش ياد يا إشارجي صاحبك يبقى مين؟
وبتبوس الغلابه برقه وبترسم لهم معنى الحقايق ساعة المعاناه
وبتسلم عليهم دونما استثناء ولا استحياء
النيل ماهوش صافي البدن
وملايكة الليل مش معاهم كشافات لمواجهة الشياطين في أوكار شارع الهرم الموصل للحضاره بشكلها الموجع.. ولا شارع "كلوت" باشا المسافر بين شرايين المدينه المخلصه للزحمه والطرابيش
طالع وشايل ع البدن ضحكة ولادي وغول رغيف العيش
يا أيها الدرويش ما تنساش القصايد كلها
وتركز العين ع السطور الخارجه عن متن الصدى
اسمي طلع مش زي اسم الناس
وشكلي المختلف سبب لي أزمة لاعتراض على كل شيء
رديت على خطاب الرئيس للأمه بالعمّه اللي لفيت نصها فوق جتتي
وصممت ما اسمعش الكلام بالقطن في وداني
أنا لسّه حيّ وماشي باتنفس برغم محبتي لمواجهة الأباليس في أوقات الوضُو
ما اعرفش مين أصبح عدو ومين صار حبيب
ماشي وكأني أديب بيتهجى الطرق بالشعر والتفانين
تعرفش ياد يا إشارجي صاحبك يبقى مين؟
جيبي اليمين شايل في محفظته النهار
جيبي اليسار ما فتحش دكانته ومانيش عارف دا شايل إيه
جيبي اليسار ما فتحش دكانته ومانيش عارف دا شايل إيه
كل الوشوش المحبطه معاتيه،
لأن المخلصين للضي ما بيقروش نهاية عمرهم إلا إذا قرر ملاك الرحمه ينقلهم
لسه الحياه شايله الحياه على كتفها ودايره كما الأم الرءوم اللافعه عيّلها
الدنيا نور مين اللي ليّلها
يا قُفّة الرمان ما عادش العشق ينغز في الضلوع
ولا عاد خضوع للمنطق الدامي ف قرارة نفس أبويا الشاعر المنقول إلى عالم ما يشبهش الحواري الضيقه
ولا له علاقه بشارع الهرم الموصل للحضاره المهمله
ولا كان صديق "لكلوت" بك
لأن المخلصين للضي ما بيقروش نهاية عمرهم إلا إذا قرر ملاك الرحمه ينقلهم
لسه الحياه شايله الحياه على كتفها ودايره كما الأم الرءوم اللافعه عيّلها
الدنيا نور مين اللي ليّلها
يا قُفّة الرمان ما عادش العشق ينغز في الضلوع
ولا عاد خضوع للمنطق الدامي ف قرارة نفس أبويا الشاعر المنقول إلى عالم ما يشبهش الحواري الضيقه
ولا له علاقه بشارع الهرم الموصل للحضاره المهمله
ولا كان صديق "لكلوت" بك
سكّيت محلات القلوب المجهده من العصر واستنيت وصول قطر الصعيد لمحطة المترو
وصل البطل لكنه ما سلّمش ع القاعدين ولا طمّنش قلب البنت ع الولد اللي سافر من سنه وما رجعش
كلت المحبة وقلبي ليه ما شبعش
كلت القديد من بق أمي الطيبه بعد الصلا وحسيت بإني ما كنتش امبارح
أنا لسه النهارده يا دوب بادخل قلوب الناس
أمي الفقيره بتبتسم لي كأني فاتح حارة الغوله
شفت الوشوش وضحِكت من أولى
والحمد لله عارف الفوله
عارف مصير كل اللي واقفين للعباد بدفاتر الدين وبنشيد الذل
الغل في عنيهم
وصوتهم مش طبيعي
وقلبهم أصفر
وروحهم منهكه بأهازيج ذوي الأوتاد
أنا مش نبي..
لكني واقف ع الحياد لحد العركه ما تقوم وأعرف الظالم
وبأردد الآيه الكريمه في ودن أصحابي "وإن جنحوا"
وصل البطل لكنه ما سلّمش ع القاعدين ولا طمّنش قلب البنت ع الولد اللي سافر من سنه وما رجعش
كلت المحبة وقلبي ليه ما شبعش
كلت القديد من بق أمي الطيبه بعد الصلا وحسيت بإني ما كنتش امبارح
أنا لسه النهارده يا دوب بادخل قلوب الناس
أمي الفقيره بتبتسم لي كأني فاتح حارة الغوله
شفت الوشوش وضحِكت من أولى
والحمد لله عارف الفوله
عارف مصير كل اللي واقفين للعباد بدفاتر الدين وبنشيد الذل
الغل في عنيهم
وصوتهم مش طبيعي
وقلبهم أصفر
وروحهم منهكه بأهازيج ذوي الأوتاد
أنا مش نبي..
لكني واقف ع الحياد لحد العركه ما تقوم وأعرف الظالم
وبأردد الآيه الكريمه في ودن أصحابي "وإن جنحوا"
عايش لحب الخلق مش للدربكه والكركبة والهدم
عايش وشايل حملها فوق كتفي فحت وردم
مستنظر الدعوه اللي طالعه ف سجدة أمي للسما تديني دافعه فيكمل المشوار كما قال الكتاب
والطيّبه دايمًا بتدعيلي إني أكون عالي
أعلى من النخل اللي فاتح حضنه لمرور السحاب
عايش وشايل حملها فوق كتفي فحت وردم
مستنظر الدعوه اللي طالعه ف سجدة أمي للسما تديني دافعه فيكمل المشوار كما قال الكتاب
والطيّبه دايمًا بتدعيلي إني أكون عالي
أعلى من النخل اللي فاتح حضنه لمرور السحاب
أنا متحد مع دعوتك يا امّه
والله ماشي بأقول يا رب وبأحضن الناس البريئه ف حضني زي ما أكون أبًا راجع لهم بعد الغياب
وباصلي جنبك والحياه محراب
والله ماشي يا أمّي ع القد القديد
رافع شعار الاسم
مؤمن
مؤتمن
باصص لرجليكي الضعاف وحاسس إن انا باصص بعيد
مؤمن
مآمن
عارف انّك زي ما القرآن ذكر للناس "وأنزلنا الحديد"
........................
...........................
................................
......................................
............................................
..................................................
والله ماشي بأقول يا رب وبأحضن الناس البريئه ف حضني زي ما أكون أبًا راجع لهم بعد الغياب
وباصلي جنبك والحياه محراب
والله ماشي يا أمّي ع القد القديد
رافع شعار الاسم
مؤمن
مؤتمن
باصص لرجليكي الضعاف وحاسس إن انا باصص بعيد
مؤمن
مآمن
عارف انّك زي ما القرآن ذكر للناس "وأنزلنا الحديد"
........................
...........................
................................
......................................
............................................
..................................................
*****************
سعيد شحاتة
