في عـــيدك يا غــرام ... هأكتب حكايه
أمانه عليكــــوا تقـــروها معايــــا
بديت العمـــر . راسمه الحب قصــه
و كان أملي أشـــوفني في النهايــــه
و عشت أحلم بـ حاله عشـــق خاصــه
تليق بـــشوق عمــــره اتولد ويايــــا
سنين و حكايتي تخلص بس ناقصــــه
و لسه لحلمي عايشه .. يقيــــن و غايه
بأفتش عن غــــرام يرفــع و يبـــني
و عن عاشق يكــــون فعلا حابــــبني
و بيت مليان دفا و حنان و راحــــه
و طفل جميل ... أنادي عليه بـ إبـــني
بأفتش ... و الزمن عمال بيجــري
و تخدع روحي كلمة : لســـه بدري
و لسه بأعيش و بأحلم بالحكايه
و بأرفض ... يتختم بالوحــــده عمــــري
في عـــيدك يا غـــرام ... نبضت مواجــع
و لسه الحلم عايـــش بس واجــــع
يا عشق بخيل .. أمانه عليك تلمح
تقول " غايب " و لكن بكـــــــره .. راجـــــــع
كل عـــــــــــــيد حب و الكل سعــــــــــــــيد يا رب
...
..