أموت واقف على حيلى
دا اهون لى ..
ما أكون عالة على غيرى
وخيرى يكفى كل الناس
ولو يبقالى انا الفتافيت
أسير الصحبة واللمة
يقوى العزم والهمة
يا ست الكل ياغالية
يا شاغلة كل تفكيرى
أعيش زنهار على اعتابك
ولجلن تفتحى بابك
أكون من ضمن خدامك
دا من نبعك
يفيض خيرى
أموت واقف على أسوارك
وسرى يتوه فى أسرارك
وثوارك .. أكون بينهم ..
أنا المفتون بأشعارك
يا حامية فى الفضا طيرى
جمال قدك على أدك
ملهش مثيل
أغيب وأبعد أعود عندك
أقول مواويل
من اشعارى اللى بكتبها
فى جوف الليل
لحد ما يتقطع نفسى
وتتعطل خطوط سيرى
أموت واقف على حيلى
