حسن سرور
مفردات, مني لكم
" يا للبداية "
يا كُبر همك وقتها
وقت انسحابك من حروب بتروح هدر
وقت انسحابك من حياتك بالممات وتقول قدر
يا كُبر همي عندما,
قلبي اللي عاش دايما شجاع
هيموت وحيد وقت الخطر
" متعلموش "
متعلميش الوش دة معنى البُكا
الوش يعني ذنبة إية
لما الدموع ترسم ملامحك مهزوزين
كان ذنب مين !!
متعلميش جوا الشروح كدا بالقوي
طعم الدموع مالح قوي
طارح قوي
فوق الوشوش متعلموش
..
" الجرح "
الجرح مش احساس
والفرح مش زغاريط
ولا كلمتين ع الورق
ولا رقصتين تنطيط
..
" محاولة "
حاولي تشوفيني من أنا
او تسمعيني من كلامي
حاولي تشوفيني من أنا
راسم هنا
قاسم هناي وضحكتي,
نُصين وبس
" للكلمتين "
للكلمتين الديبانين من كتر قولهم
والفرحتين اللي بيطرحوا لحظة ما اقولهم
والدمعتين اللي بيطفشوا من سجن خوفهم
انا بعتقد إني ضعيف " أنا مش قوي "
" للناصحين بنصحهم "
مش كل قرية هتدخلوها,
راح يؤمنوا .. راح يكفروا
انتوا يا دوب حبة بشر
بتداروا خوفكم بالكلام
انتوا يا دوب حبة بشر
خافيين ذنوبكم عننا
راسمين على وشوشكم سلام
وبتنفخوا في النار بجد
وبتجزروا لو فيها مد
وتفهموا ان العطاء,
من منطقة يحجبنا سد
" للناصحين بنصحهم
ستدور دنيانا لكم
وينقلب بُعد المُنى من جُرحنا
حتى يصير بحدكم
ستذوقوا كل مُصابنا
وستندموا حتى تموتوا بجرحكم
ستدور دنيانا لكم
"
" لحظة فرح "
هيساوي إية بعد الفرح
والدنيا خاوية ببُعدنا وبُعدكم ولا فينا حد
هتساوي إية " لحظة " فرح
والكل من حولك مُدان
للناصحين بنصحهم هذا الكلام
" هيساوي إية "
هيساوي إية فستانك الأبيض بلون دمانا
والجرح ياخد موضعة ويعيش معانا
هيساوي إية
فستانك الابيض بطرحة للأمل
بس دمي مغمقة
" مفيش "
مفيش كلام هيوصل المعنى الحقيقي اللي اقصدة
ومفيش كلام هيوصلك لكل معنى بصدقة
غير اني دايما بكتبك شبه القصيدة
لحظة فرح وقت الميلاد
وسنين من التوهان في شطر
واحتمالات
أحيانا بيكون النص بارد
وكتير بيحرقنا السُكات
فــ مفيش كلام
مني لكم #
