أنت بخير
الشاعر عماد محمد سالم
تقدر تجري
بسرعة صوتك
طبعا لأ
تقدر تدفن
جوه سكوتك
كلمة حق
ممكن أيوا
و يمكن لأ
لكن تقدر ترسم ضحكه
ما تضحكهاش
تفضل تروي في أجمل ورده
ماتقطفهاش
تصبح ميت لكن أجدع واحد عاش
عارف ليه
علشان بكره بتاعك انت
شبهك انت
و لسه ماجاش
علشان حلم الناس الزرقا
دوخه و زنقه
ما يلزمناش
خليك صابر
يمكن اخر صبرك خير
يمكن حد يداوي جناحك
ترجع طاير وسط الطير
انت بخير
لسه بخير
