الجو روعة والمزاج معدَل
و سما القوافي بالشعر ممطورة
يفوح الشعر من دلتي واصَبه
بأبيات جزلة منمقة مسطوره
أرضي بها جمهور ذوقه راقي
يسعد مسا الشعر و مسا جمهوره
يا عاذليني استريحوا و كفوا
ما همني من قال ذي مغرورة
لبى غروري و كبريائي و لبى
زولي الجميل و طلته وحضوره
و رموش عيني لي كحلها زاهي
و خدودي اللي بالزهر منثورة
و منطوقي اللي كل ما انطق به
يغيض ناس و ناس به مسرورة
و الغايضين علاجهم بإهمالي
و إذا طفشت العب بهم كالكورة
و متابعيني علَني ما أعدمهم
ما احتجت أنا في ودهم لمشوره
لا أعمس ظلام الليل جوني كنهم
للدرب صاروا هم مشاعل نوره
يفداهم اللي جاهلٍ في قدري
و نفوس مني تصطلي مقهورة
يلي تفكر تنتقد في ( شيما)
ارتاح لأني بالفعل مغرورة
