ضحكه منى اتسرسبت نادية حسام الدين
عايشه بس
عشان توزع صورة لىَ بدون ملامح
عمرها لو تدفعه
مستعده
مستعده تموت واموت
بس أمى قالتلى بالخير ابدئى
ارحمى ياضنايا
غربتها وخوفها
ارحمى وقفتها تايهه لوحدها
من غير ونس
ضحكه مره بلون سنينى اتسرسبت
قلت ياامه ومين أنيسى
قالت انتى عنيكى دنيا اتجمعت فيها المدن
يكفى بس جنان حماده
وحضن حوده
وحلم تايه من محمد
بيلاقيه ف عنيكى انتى
قلت ياامه العمر نفسى أزوقه
نفسى ياامه ف ألف ضحكه
بس خايفه
- ماتخافيش ياضنايا طول ماالمولى جنبك
راعى ربك
وادعى لابنك
اوعى حد يكون فى يوم أقرب لقلبك
من عيالك
ازرعى باديكى ضلك
بكره يطرح ألف ضل
ازرعى فيهم أمانك
وانسى..
همك
هو من فى الدنيا دى....
من غير هموم؟
- حمزه دايما كان يقولى ادعى لامك
زرعت الاخلاص فى دمك
ست صابره
- ياما دق الهم ع الراس وانحنينا
شفنا يامه
بس برضه كبرتو
خف الحمل حبه
والنهارده أديكى شايفه
العيدان الخضره كبرت
والادين النونو خطت بالقلم
حكايات كفاحنا
- بكره قرب حبه منى
عايزه اشوفنى
عايزه اشوف بعنيك عيالى
حتى لو شابت سنينى
مش مهم
المهم الزرع يكبر
عايزه اشوفهم حد أكبر م المدى
بعدها
مش مهم
أى حاجه مش مهمه
ربنا بشرنى بيهم
وسط ليلى
شمس طلعت من غروبى
كت عطشانه وابوهم كان يموت ويعيشله ابن
- ازرعى فيهم أبوهم
كان حنين
كان ململم كل ناسه
كان يابتى عنيه بتلمع لما يلمح من بعيد طيبفك يقرب
- فاكره ياامه كان يقلى
اعدى
خليكى جنبى
أقوله ثانيه وراجعه تانى
يقولى لأه قربيلى
حد
عارف
- يااااااااااااااااه يابتى
ياااااااه يابتى
فين أبوكى وفين جدودك
هى كاس ع الكل دايره وبكره تنسى
- أنسى خوفى ولا ضعفى
ولاتوهة قلب ابنى
صدقينى هتنسى همك
لمازرعك بكره يكبر
وابقى يومها
ادعى لامك
