ليه كل ابواب القاهره /فتحه علي امبارح /والخلق لسه خايفه م المماليك /غربان علي الشبابيك ياابن السبيل /الاسبله مش ليك /مطرود وكل الارصفه بترميك /دخلت حاره برجوان صدفه /ع الناصيه كنت واقفه ست الملك /تعرض جدايل شعرها /هديه للاكراد /سيف المعز مرهون في سوق السلاح /ودهبه صدا علي فرش واد سريح في باب اللوق /الخيل هناك مطلوق /وسط ميدان عابدين /لسه الجيوشي في المقطم حزين /وبولاق تنادي لابو العلا علشان./خان الخليلي هتقفل الدكان