باحبك زى ما نكون
فكرتين ضاربين فى راس رايقه
باحبك زى ما نكون
توأمين قاسمين خلاص واحد
...................... وضحكة أُمّ متضايقه
باحبك أرض طرّاحه
وباحبك أرض...
مش طايقه انتظار الموت
باحبك مدنه وكنيسه وسكك وبيوت
باحبك دقّتين فى الهون
وتعويذه وفرَح ونقوط
باحبك فرحه فى البستان
وفنجان قهوه مش مظبوط
باحبك طفله بتهاتى
ف حوارى القلب من غير صوت
باحبك عشّ عصفرتين
بيضحك فوق شواشى التوت
باحبك كفّ فلاحه
وباحبك قلب بنت بنوت
باحبك كمسرى وشيّال
واحبك مسْتكه وزنطوط
باحبك سبحه وضفيره
وباحبك كيس عنب مفروط
وتنهيدة حصان مكبوت لواد خيّال
باحبك خطوه للماريشال
واحبك ستّ لافّه الشال
واحبك هزّه فى الغربال
واحبك شعره م الشنب
اللى متزيّن بوِشّ الخال
واحبك فعل أو فاعل
واحبك فى الشدايد حال
واحبك فى الفرح تنهيد
واحبك فى الوجع موّال
واحبك رنتين خلخال
فى سوق فاضى
باحبك لمّا اكون رافضك
واحبك لمّا أكون راضى
واحبك لما اكون هربان
وجاى لك من زمن ماضى
واحبك..... حتى لو هادخل..
........... معاكِِ لحضرة القاضى
فكرتين ضاربين فى راس رايقه
باحبك زى ما نكون
توأمين قاسمين خلاص واحد
...................... وضحكة أُمّ متضايقه
باحبك أرض طرّاحه
وباحبك أرض...
مش طايقه انتظار الموت
باحبك مدنه وكنيسه وسكك وبيوت
باحبك دقّتين فى الهون
وتعويذه وفرَح ونقوط
باحبك فرحه فى البستان
وفنجان قهوه مش مظبوط
باحبك طفله بتهاتى
ف حوارى القلب من غير صوت
باحبك عشّ عصفرتين
بيضحك فوق شواشى التوت
باحبك كفّ فلاحه
وباحبك قلب بنت بنوت
باحبك كمسرى وشيّال
واحبك مسْتكه وزنطوط
باحبك سبحه وضفيره
وباحبك كيس عنب مفروط
وتنهيدة حصان مكبوت لواد خيّال
باحبك خطوه للماريشال
واحبك ستّ لافّه الشال
واحبك هزّه فى الغربال
واحبك شعره م الشنب
اللى متزيّن بوِشّ الخال
واحبك فعل أو فاعل
واحبك فى الشدايد حال
واحبك فى الفرح تنهيد
واحبك فى الوجع موّال
واحبك رنتين خلخال
فى سوق فاضى
باحبك لمّا اكون رافضك
واحبك لمّا أكون راضى
واحبك لما اكون هربان
وجاى لك من زمن ماضى
واحبك..... حتى لو هادخل..
........... معاكِِ لحضرة القاضى
***********
سعيد شحاتة
