كتاب الروح
بيقتح صفحة من مطروح
ويكتب سطر أسواني
جميل الحرف دمياطي
رشيد البحر بيطاطي ... لـ طعم النيل
يا سينا الحُرّ مش واطي ... ولا أنتي عويل
جبل طورك ... حمي سورك ... فـ عز الويل
تعبت يا طنطا ... وغُناكي ... دموع مواويل
هاجبلك من السويس فرحة
وأجبلك مـ الحسين طرحة
وأجبلك من سوهاج قنديل
وهارسم ضحكتك فـ الليل ... تنور كل أيامي
من الشط اللي قدامي ... يعوم البط فيّومي
بحيرة وكفر زيّاتك ... من الهمة إللـ في ذاتك ... فـ عز الفجر بتقومي
تجيبي الصبح لولادك ... تعشي غلابة وتصومي