للطيبين
..... المحبطين
....... المخلصين للمسأله
لسه السؤال بيبيض سؤال
........... والبحر بيفيض أسئله
سلسال طرح سلسال
................. طرح سلسال
طرح حزمة بشر متسلسله
والليل طلع قنديل قتيل القندله
للطيبين
..... المحبطين
....... المعدودين في السنبله
ما تزلزلوش الأرض برجول الغنم
ولا تطلبوش الجنّه بسقوط الصنم
ولا ترجموش الشمس
...................... بالطوب في الخلا
وما توهبوش روحكم وطن
............... وقت احتدام المهزله
لسّه النهار هيجيب نهار
.............. والخوف هيطرح زلزله
*********************
سعيد شحاتة