لو كان السكوت من دهب
يبقي الكلام له اصول
في حكاوي أبله فضيله
الديب وراس الغول
لا يهم مين اتقتل
لا يهم مين مقتول
ولإن كل دا دجل
قاموا يحرقوا المحصول
ويجيبوا هما دليل
ويقولوا خير مثال
ويبرؤا المتهم
ويغيروا الأقوال
تتغير الأحوال
ويحرفوا اللي اتقال
ويشرحوا المعجزة
ويقطعوا الاوصال
ياصوتي ليه تتنبح ؟!
مبقاش في شئ مضمون
كل اللي نفسك فيه
هيطلعك مجنون
والشيلة تقلت عليك
واتبدلت لي هموم
وسيفك اما تبري
مبقاش كمان مسنون
وينادوا بالمأذون ....
يلبسوني عريس
ويركبولي لجام
يدخلوني السبق
قولت الجسد تعبان
ويشيعوني شهيد
ويقولوا مات عيان
وف كل حارة وليد
والضرب ف المليان
ياصوت بلال انجلي
وما تعلن العصيان
ارفع حجاب العين
وامشي كما الغزلان
هي الحقيقة دي فين
هتكون اكيد في مكان
ما لكل عتمه في نور
ولكل حاجه ميزان
ولكل امه رسول
ولكل وقت أدان
محمد عنيم نجم كبييييييييييييييير
ردحذف