وْلُو..شو بكرهك!
عَ قد مَ بحب الدّني لْ عشتا معك!
وعاَ قد مَ غزلت العمر عَا اصبعك
طَرَفو معي..التَّاني عَقَدْتو بمَدمَعَك!
ببعد أنا وبروح..بفكِّر فَلَتّ الرُّوح
ودمعة تَعي..برجَع لصدري برجِّعَك!
و شو بكرهَك..
حبسي وإنت سجّان...
وشو بخاف يصحى الضّو حتّى إقشعك!
شو بْ برطِل العَتمة بْ سَهر
حتى قبالي تلمّعك!
وبس يرجع القاضي الغني من سَكْرِتو،
بعرف انا رح ضيّعك..
بتعرف أنا..!!
متل الضَّرَب وجّو لحتّى يْوجّعك!
ومتل الصَّرَخ بالبير بلكي يْسَمّعك!
وبعرف أنا رح ضيّعك...
