الإعتذار الأخير
بعتذرلك عن غيابي
وقت خوفك
بعتذرلك
لو ماقدرتش ظروفك
بعتذرلك لو ظلمتك في العتاب
بعتذر عن ظن خاب
وإني عامل بينا حاجز
وإني قافل كل باب
وإني مش شاكر جمايلك
وإني مش فاكر عمايلك
وإني لما قلت جايلك
غبت تاني
بعتذرلك
إني سبتك يوم تعاني
وإني ناسي كل وعد
بعتذرلك عن نهاية مش سعيدة
وإننا مش هنبقى خلاص لبعض
بعتذر عن كل حاجة
وإني مانفعتش أكون بيتك
بس عمري ماهعتذر عن إني حبيتك
