في واحد فينا واخد عين .. .
وسايب عين .. !
بتبكي ع اللي متغيّر .. .
سؤال فعلاً بقي يحيّر .. .
ايه اللي حصل لنا في شهرين .. ؟
ياستي ماتزعليش .. خمسة .. ؟!
ماكانش عادتنا دي القمصة .. .
و لو كنا بنتخانق ..
يا أنتي بتنسي يا انا بنسي .. !
عشان القرب انا شبكتك .. .
ماجاش علي بالي يبعدنا .. !
اخوكي اللي لابد يكون .. .
معانا في كل مواعيدنا .. !
ابوكي حقه انه يغير .. .
ياستي ماتزعليش "بابا" ..!
وانا زيه بدون تفكير .. .
بحبك من هنا لـ طابا .. .
لكن برضو و ده من حقي .. .
اقولك كلمتين حلوين .. !
ده قبل اما انتي هطّقي .. .
انا من عقلي طار برجين .. !
ده حتي كمان بنتعاير .. !
بإنه سايبلنا التليفون .. .
يكونشي هادانا بالـ I Phone
ماهو انتي يا تقبلي افضفض .. .
يا هرجع اشتري سجاير .. !
خلاص يبقي أكمل شرح .. .
ساعات خربوش علي خربوش .. !
بيحفر في المشاعر جرح .. .
ومين يلحق ساعتها يحوش .. !!
انا عاوز اكون اقرب .. .
وغير القرب مش طالب .. .
ولو علاقتنا مش موجب .. .
ياريت ماتكونش بالسالب .. !
و قبل الوقت ما يأخّر ..
تعالي حبيبتي نتبخّر ..
انا ظنّيت واخاف يطلع ..
في واحد فينا واخد عين ..!!
