كونك صريح، واضح،
وبتسمي الكلاب بالاسم،
ما يهمكش لو قرر كلاب القوم بإهدار دمّك الطاهر
وما يهمّكش لو حسيت برغم صراخك العالي
................................. بإن الصوت ماهوش ظاهر
وما يهمّكش لو شعبان بتاع المكوه صار مطرب
ودار بالمكوه في الشارع صديقك كاظم الساهر
وبتسمي الكلاب بالاسم،
ما يهمكش لو قرر كلاب القوم بإهدار دمّك الطاهر
وما يهمّكش لو حسيت برغم صراخك العالي
................................. بإن الصوت ماهوش ظاهر
وما يهمّكش لو شعبان بتاع المكوه صار مطرب
ودار بالمكوه في الشارع صديقك كاظم الساهر
...............................
كونك صريح، واضح،
وبتسمي الكلاب بالاسم،
ما يهمّكش مين مسمار ومين بسلامته كمّاشه
ولا يهزّكش صوت النار
................ ولا إزاي تمسك الماشه
اقف صامد كما الزنهار
............... وعيشها كنحله فتّاشه
حارتنا هرمها مش معدول
ومعدتها اتهرت م الفول
وكناسها اشتغل مسئول
وماشي يهزّ كالبندول
كأن سيادته طفّاشه
حارتنا كلابها غشاشه
وأنجس ناسها ع الشاشه
....وأجدع ناسها حشّاشه.... وجميع سكانها مش عارفين منين ولفين
وايه مفروض وايه جايز ومين ينفع لكرسي الدين
وكلّه ف حضنها مساجين
.............. ويسلم حضرة الباشا
كونك صريح، واضح،
وبتسمي الكلاب بالاسم،
ما يهمّكش مين مسمار ومين بسلامته كمّاشه
ولا يهزّكش صوت النار
................ ولا إزاي تمسك الماشه
اقف صامد كما الزنهار
............... وعيشها كنحله فتّاشه
حارتنا هرمها مش معدول
ومعدتها اتهرت م الفول
وكناسها اشتغل مسئول
وماشي يهزّ كالبندول
كأن سيادته طفّاشه
حارتنا كلابها غشاشه
وأنجس ناسها ع الشاشه
....وأجدع ناسها حشّاشه.... وجميع سكانها مش عارفين منين ولفين
وايه مفروض وايه جايز ومين ينفع لكرسي الدين
وكلّه ف حضنها مساجين
.............. ويسلم حضرة الباشا
............................
كونك صريح، واضح،
وبتسمي الكلاب بالاسم،
ما يهمكش لو قرر كلاب القوم بإهدار دمّك الطاهر
.........وما يهمّكش لو قالوا: البعيد مذنب ويتطاهر
كونك صريح، واضح،
وبتسمي الكلاب بالاسم،
ما يهمكش لو قرر كلاب القوم بإهدار دمّك الطاهر
.........وما يهمّكش لو قالوا: البعيد مذنب ويتطاهر
*********************
سعيد شحاتة
