كان نفسى....
وكان نفسى ؛ نكون
اْصحاب
أشكيلك ؛ فتبكيلى
أغنيلك ؛ تضمينى
منيش عارف قدرتى إزاى تفارقينى
أستيكة وسطر رصاص .. مسحتينى
وأنا الكلمة ؛ عندى رصاص بيحيينى
منيش عارف وعودنا إزاى نسيناها
وكان عادى تعاندينى؛
فخدنى العند بعنادى
ومين بادى يكون وحده ؟
أشكيلك ؛ فتبكيلى
أغنيلك ؛ تضمينى
منيش عارف قدرتى إزاى تفارقينى
أستيكة وسطر رصاص .. مسحتينى
وأنا الكلمة ؛ عندى رصاص بيحيينى
منيش عارف وعودنا إزاى نسيناها
وكان عادى تعاندينى؛
فخدنى العند بعنادى
ومين بادى يكون وحده ؟
منيش عارف؟!!
أنا التايه ف ميادينك ...
و مش واصل عناوينى
أنا من طيبة ..وأنت ف منف ؛ نفيتينى
وبعتينى ؛ بحبة كحل من سارح
وكان جارح ؛ لا من دينك ولا دينى
وزاد فى غوايته بالأحلام
ورص كلام مالوش لزمة
عمل أزمة بينى وبينك
بينى وبينك مفيش فايدة !!!
لا كُتر عتاب يرجعنا
و لو أشواقنا توجعنا
قزاز مكسور بقى ع الباب
فخلانا بقينا اْغراب
وكان نفسى ؛ نكون أصحاب
أ تسّند بعكازك ..واميل بالقلب فوق كتفك
أنا من طيبة ..وأنت ف منف ؛ نفيتينى
وبعتينى ؛ بحبة كحل من سارح
وكان جارح ؛ لا من دينك ولا دينى
وزاد فى غوايته بالأحلام
ورص كلام مالوش لزمة
عمل أزمة بينى وبينك
بينى وبينك مفيش فايدة !!!
لا كُتر عتاب يرجعنا
و لو أشواقنا توجعنا
قزاز مكسور بقى ع الباب
فخلانا بقينا اْغراب
وكان نفسى ؛ نكون أصحاب
أ تسّند بعكازك ..واميل بالقلب فوق كتفك
وأشكيلك .. فتبكيلى
واكون عكاز لأيامك .. إن تِعِبتْ من اللهفة
من السكة ..من المشاوير
والمقادير ، فترتاحى
واكون عكاز لأيامك .. إن تِعِبتْ من اللهفة
من السكة ..من المشاوير
والمقادير ، فترتاحى
وكان نفسى أكون حاجب على بابك
ومأذنشى دخول أغراب
وأى غراب أكون له عقاب
وطير جارح
وليل سارح على شَعرك
وأكون درويش بأعتابك
وأقول شِعرى كما التراتيل
وأقول مواويل لأتباعك
وأكون خنجر لمن باعك
وأكون مفرود على باعك
.........
.........
كان نفسى وكان نفسك
وكان عادى تعاندينى؛
وكان عادى تعاندينى؛
وخدنى العند بعنادى
ومين بادى يكون وحده ؟
ومين بادى يكون وحده ؟
منيش عارف ؟!!
تحية لحرفك الرائع
ردحذف