سبع لاءات أمين حداد
الثورة عيد
يلزم لها
هدوم جديدة ودستور جديد
الثورة اهه
وادي الورق
الف وبه
نبدأ بلأ
للى سلق
واللى سرق
واللى حرق
تلات لاءات
والرابعه لا
للي ملا
قلبى بآهات
والخامسه لا
للترقيعات
والتعديلات
والسادسه لا
للى بكا
ثم اشتكا
ثم تعب
ثم هرب
والثورة وسط المعركه
والسابعه لا
للى يحط الحلم فى مجال الخطر
الثوره لسه مبتدأ
ولسه ما وصلش الخبر
و أى واحد مننا
عايز يسيب اللى اتبنى
بنقول له... لأ
على الملأ
