( اطمني )
.
ليه تحزني
وأنا لسه جنبك
واقف بقول اطمني
وحلفت لك
إني هكون الراحة لجروحك
وارسم معاكي الحلم بطموحك
وكل كسر هجمَّعه
والله قلبي بينطفي
لو شاف عنيكي بدمعوا
ليه تحزني
بعد ما كانت قلوبنا خلاص مطمنة
ونسيتي ليه لما شكيتلك حزني يوم
وقولتي ادعي ربنا
كام مرة شالت ضحكتك
الحزن بعد ما مسني
اطمني
ربِك كبير
قادر يجيب حقك
من كل من خانك
وماتسجنيش ضحكتك
الحزن مش مخلوق يا حبيبتي علشانك
دانا كنت ناسي طعم الدف
و أنتي اللي قلبك ضمني
أنا قبل منك كنت متكسر أوي
وأنتي اللي حُبك لمني
ف إزاي تكوني انتي السعادة وتحزني
اطمني ..
