يا من مَلَكْ
عرش الهوي ... ونار الجوي
والجنة كانت مَوْصِلَكْ
من ضيق براحي فـ السكك
لميت جراحي فـ الشبك
ومشيت دروب كمن سلك
وبطرف توب فيك إتشبك
بقيت يادوب كمن هلك
أرفع جبيني وأتكفي
وكل ديني موقفي
فاكر الغياب ...هو أسباب الوجع
شُفت البِدَعْ
آديني قاعد بـ اتْهَلَكْ ... زي الشراب
وبـ اشوقك النور والسحاب
والشمس والكون والفلك
أنا بـ أسألك
إزاي بتقدر تختفي عن الخلايق
وإزاي بتقدر تحتفي بيك الحقايق
قأكون ليلاتي مطرحك
وتكون حياتي ملمحك
وإن غبت مـ الأحلام ... أنا بأحسب الأيام ... بناقص مكملك
يا من مَلَكْ
