ساعات بضحك على الاحزان
محمد السيد سعد
ساعات بضحك على الاحزان
و برسم فرحه فوق وشي
كما بلياتشو بيداري فـ تجاعيده
و بتحايل
على ايدين السما تطبطب بحنيه
برغم اني اكيد عارف
ماليش فـ الفرح غير دمعه
و ضحكه بس مكبوته .. و منسيه
و بكتب للامل غنوه
لكن صوتي
بيبكي فـ اخر الكوبليه
فباقلب غنوتي لإفيه
و بضحك ضحكه براني
و باضرب كف ع التاني
من اللي انا فيه
و لما الحلم يسرقني
من الدنيا و يرميني
فـ حضن الناس
اسافر فـ الوشوش يمكن الاقيكي
لكن من خوفي بتلخبط
والاقيني كده مِخبَّط
على قلوب رافضه تعشقني
فيوجعني الحنين ليكي
و برسم فرحه فوق وشي
كما بلياتشو بيداري فـ تجاعيده
و بتحايل
على ايدين السما تطبطب بحنيه
برغم اني اكيد عارف
ماليش فـ الفرح غير دمعه
و ضحكه بس مكبوته .. و منسيه
و بكتب للامل غنوه
لكن صوتي
بيبكي فـ اخر الكوبليه
فباقلب غنوتي لإفيه
و بضحك ضحكه براني
و باضرب كف ع التاني
من اللي انا فيه
و لما الحلم يسرقني
من الدنيا و يرميني
فـ حضن الناس
اسافر فـ الوشوش يمكن الاقيكي
لكن من خوفي بتلخبط
والاقيني كده مِخبَّط
على قلوب رافضه تعشقني
فيوجعني الحنين ليكي