تُرماى بــِسنـِجه
تـُرماى بِسنجه.. حُقنه
وسرنِجه
عيان ونايم والدُور يدور
على اللى ماشى لسه مجاشى
دوره ولكن هييجى دور
فى العتمه نور يمكن يزور
عليل بيترجَّى الشِفا
بـِرُقيه وِرث مِن تحت ضِرس
شغاله تِخدم فى البيوت
قالت رَقيتك ولمَّا رَقيتك
بقى الشيطان عازِل عزول
بِرغِيف ولـُقمه وكِلمه
حِكمه
للى يصـلـّى على الرسول
ورسُولنا قال.. قال يا جِهاد
وصلـِّى حى ع الفلاح
وقال وقال ف كتاب جَلال
جَلال سيوطى وجَلال كمال
قال السيوطى ده السر صوتى
وسِر عِلمى هو الخُضوع
إخِضع تِلاقى الكون يجيلك
ويستحيلك لحظِة خُشوع
إصحى يا مُؤمن قـُوم قـُول
وأدِّن
فى الدُنيا حى على الصلاح
وصلاَحنا موجه وهتبقى هوجه
والحى قلبه ليه دليل
دليل مؤكـَّد يفرِش ويفرِد
يسجُد وينـُقـُش
بجبينه نقطةِ لـُقا
ويلتقى مَع المُلتقى
فِ رحاب رحيب أبيض شهيب
ونوره مادد للسما
على الرسول صلوا عليه
ومدد يا آل بيت النبى
كعبه نِزور سعى نِجول
مدينه ننام ونفترش
على أرضها صلى الرسول
واللى هيصُبر راح ينول
هينول ليلاتى نور جوه نور
ف حُقنه وسرِنجه وتـُرماى
بسِنجه
وعيان ونايم والدور يدور
