براءة ’’ ’’ براءة
**** الشاعر/ ياسر العمورى
براءة ياسيدى ومبروك !!
براءة وفلولك حاموك !!
براءة ولسه بيأيدوك !!
براءة وأنا أول فلولك !!
بس سامحنى أول من باعوك !!
لما سكت أنت عن الدم
ولا حسيت بصاحب ولا بن عم !!
لما شفت انت الكيل طفح هم !!
والشر زاد و عم !!
لا قلت كفاية خلاص دا كله غم
ولا قلت دم المصرى اهم ,,
براءة من دم ساح ع الرصيف
براءة من هم شاخ ع الضعيف
براءة من نقص الغاز والرغيف
براءة من نهب الاموال والتزييف
براءة التعبان من الحفيف
براءة على راس الغلبان العفيف
براءة والغريبة عذرتك !!
وعذرت نومتك وسنك !!
عذرت كل القضاة ,
لما الدليل تاه
و الورق إنحرق
والإثبات إنسرق
والبرهان إنفرم
لا باين جرح ولا ورم
براءة ,, براءة
*********
