كيس زبالة واتحدف يامصر فوق راسك
اللي راضعين الخيانة بيحاربوا حراسك
الجعان اللي اتحرم مسك خلاص لقمة
حكم مصر في ايد غنم ومحدثين نعمة
ربنا والامن واستقرارنا بقوا نغمة
ينعقوا بيها وهما بيقتلوا في ناسك
اللي حر جواه حر وبراه حر
متعته في الحق عمره ما داقه مر
يتقتل ١٠٠ مرة في ال١٠١
لو في كفنه يقوم ويفدي بروحه واحد
عارف انه عمرواحد رب واحد
وان مافي حد ميت ناقصه عمر
انت عايز شعب مستنسخ ماهوش مخلوق
شعب يقبل يتسحب وانت ملبسه طوق
انت ايش دراك بغرض الحر م الاوطان؟؟
وانت عبد لعبد زيك في قطيع خرفان
سمع طاعة برود نطاعة محرفين اديان
بس ديني حافظه ربي اللي شايفكم فوق
تتقي الله ازاي في شعب
لماقبلك مشي كلب..ماعلقوش مشنوق؟؟؟؟؟؟؟
نورعبدالله
