كتاب الشعر | العدد الرابع | رباعيات | صلاح جاهين
مــع إن كـــل الــخـلـق مــن اصـــل طــــــين
وكـــلـهــــم بــــيـــنــزلـوا مـغـــمـضــــين
بــعـــد الـدقـــــايـق والـشـهــور والـسـنين
تـلاقـــــى نـــاس أشرار ونـــاس طــيـبـيـن
عجبي!!
عـــجـبي عــلـيـك . . عـجــبـي عـلـيـك يــا زمـن
يــــا أبــوالــبدع . . يـــا مـبـكى عــيـني دمـــــا
ازاى أنـــــا اخــتـــار لــــــــــروحــي طـــــريــق
وأنــا الــلــي داخـــل فـــي الــحــــياة مـــرغــمـا
عجبي !!
مــرغـــم عــليــك يــا صـــبـح مـغـصـوب يــا ليل
لا دخـــــلــتــها برجــــــلـيا ولا كــــان لــي مـــيل
شايـــلـنى شـــــيـل دخـــــلـت أنـــا في الـحـــــياة
وبـــكـــره ح اخــــرج مــــنهـا شــــأيـلـنى شــيل
عجبي !!
ســـنـوات وفـــايــتــه عـــلــيا فــــوج بـعـد فــوج
واحـــــــــده خــــــدتــنــى ابـن والتــــــانـيه زوج
والــتالـــته أب خــــدتــنــى والــــــرابــــعـة إيـــه
إيــه يعـــمــل الـلي بيــحـــدفــه مـوج لــمـــوج ؟
عجبي !!
وأنـا فى الضــــلام مـــن غــــير شــــعاع يـهـتـكه
أقــــــــــف مــــكــانـــي بــــخــوف ولا اتـــــركــــه
ولــــــمـا يــيـجـــى الــــــنــور وأشــــوف الــدروب
احـــــــــــتــار زيـــــادة . . أيـــهـــم اســـــــــلـكـه ؟
عجبي !!
نـظــرت في الــمـلـكـــــــوت كــتــيــر وانـشـغـلـت
وبكـل كـلمـه ( ليـه ؟ ) و( عشـان اية ؟ ) سـالـت
اســــأل ســـــــؤال .. الـــرد يــــــرجـع ســـــــــؤال
واخــــــرج وحـيـــــــــرتي اشـــــــــد مـما دخـلـت
عجبي !!
خــــــرج ابــن آدم م الــعــــدم قـــلــــت.. يــــــاه
رجـــــــع ابـــن آدم للــــــعــدم قـــلـــت.. يـــــــاه
تــــــراب بـيـحــــــيا وحـى بـيـصــــيـر تـــــــراب
الأصـــل هــو المـــــــــــــوت ولا الحـــــــــــياه ؟
عجبى !!
ضـــــريـــح رخـــــــام فـــيه الســـــــعــيد اندفــن
وحــفـــره فـيـــها شــــــــريد مـن غــــير كــــــفـن
مـــــريت عــلـــيـــهـم . . . قـــلـت يـــالــلــعـجـب
لاتــنــيـن ريــحـتـهـم فــــيـها نـفــس الـــــعــفـن
عجبى !!
يــــــامـــا صــادفــت صـحـاب وما صاحـبـتـهـمـش
وكـــاســات خــمــور وشـــراب وما شـــربـتـهـمـش
انــــدم عــــلى الـفــــرص الــلــى انــا ســــــبــتــهـم
ولا عــلــى الــفـــرص الــلـــى مــــــــا سـبـتــهـمــش
عجبى !!
والــكـــون ده كــيف موجــود مــن غــير حــدود
وفــــــــيه عـــــــقارب لــــــيه وتـــعابــين ودود
عـــالــم مـــــجـرب فــــات وقــال ســـــلامـــات
ده يـــامــــا فـــيه ســــــؤالات مـن غـــير ردود
عجبي !!
يــــا بـــاب أيــا مــقــفـــــول . . امــتى الدخــــول
صـــــبرت يـــامــا . . والـلــى يــــصــبــر يـنـــول
دقـــيت ســـنـين والــرد يـرجــــع لى . مــــين ؟
لــوكـــنت عـــارف مــين انــا . . كـــنت اقـــول
عجبى !!
انــا شـــــاب لـــكن عــمرى ولا الــف عام
وحـــيد ولـــكن بـــين ضـــلــوعى زحـــــام
خــــــــايـف ولــــكـن خـــــوفى مـــــنى انــا
اخـــــرس ولـــــكن قـــلبى مــــليان كـــلام
عجبى !!
احـــــب اعــيـش ولـــو اعـــيـش فى الغـابـات
اصـــحــى كــــــــما ولــــدتـنـى امـى وابــــات
طـائر .. حـوان .. حـشـره.. بـشـر.. بس اعيش
مـحـلى الـحــياه . . حــتى فـى هــيئه نـــبات
عجبى !!
ســــــــهـير لــــيالى ويـــامـا لـفــيت وطـــــفــت
وف لــــيـله راجـــــع فــى الـضـلام قــمت شـفت
الـخـــــــــوف كــــأنــه كـــلب ســـــد الـطــــريـق
وكـــــنت عـــــاوز اقـــتـله . . . بــــس خـــفـت
عجبى !!
كـــان فــيه زمـان سـحـليه طــول فـــرسـخـين
كـــهـفـين عــيــونـها وخــشـــمـها بــربــخـين
مــاتـت . . لــكـين الــرعــب لــم عـمـره مـات
مــع ان فـــــات بــدل الـــتاريخ . . تـــاريـخـين
عجبى !!
عــــجــــبـتـنى كــــــلـمه مـــن كــــلام الــورق
الـنــــــور شــرق مـن بــين حـــروفها وبــرق
حـــبـيت اشــيلها ف قــلـبى . . قــالت حـــرام
ده انـا كـــــل قـــلب دخــلــت فــيه . . اتـحـرق
عجبى !!
قـــــالــوا الـشــــقـيق بـيـمــص دم الـشـقـيق
والنـــاس مـــاهـيـاش نـــاس بــحق وحــقيق
قــــــلبى رمـــــيـته وجـــــبت غـــيره حــجــر
داب الــحــجـــــر . . ورجــعـت قــلـبى رقـيق
عجبى !!
رقـــــبه قــــزازه وقــــلبى فـيـها انــحــشــر
شــربــت كــاس واتــنين وخـــامـس عـشـر
صــاحــبت نــاس م الـخـمـره تـرجـع وحوش
وصــاحـبـت نــاس م الـخـمـره تـرجــع بـشـر
عجبى !!
كــل اللـى فـى الـخـــمـاره صــابـهـم جـــنـون
صـــبحـوا الـرجــال يـتـبــادلـوا كــاس المنون
وبــــــــدم ونـــبـيـت انـــــكـتـب ع الــجـــــــدار
" يـــامــيـت نــــدامــه ع اللــى قــــلـبه حـــنـــون "
عجبى !!
يـــوم قــــلـت آه . . ســمــعـونـى قـــالــوا فــسـد
ده كـــــــان جـــدع قـــلبه حـــــديــد واتـحــســـد
رديـــــت عـلى الــمــلايـــيـن انــــا وقـــلـت . . آه
لـــــــو تــعــــرفــوا مــعــنـى زئـــــيـــر الاســـــد
عجبى !!
بـيـن مـوت ومـوت . . بـين الـنـيـران والـنـيران
ع الحـــبـل مـــاشــييـن الـشـــجـــاع والــجــبــان
عـــجــبـى عـــلادى الــــحــيـاه . . ويـــاللـعـجـب
ازاى انــا - يـا تــخـيـن- بــقـــيــت بـــهــــلـــوان ؟
عجبى !!
انــا قـلــبــى كــان شــخــشـيـخه اصـبـح جـــــرس
جــلــجـــلــت به صـــحـيــوا الــخــدم والـحـــرس
انـا الـمـهــــرج . . . قـمـتـوا لــيه ؟ خـفـتــوا لـيه ؟
لاف أيــدى ســــيـف ولا تـحــت مــنى فـــــــرس
عجبى !!
دخـــــل الــــربيــع يــضحــك لــقـانـى حــزيـن
نـــده عـــلى اســــــمـى . . لـــم قــــلت مـــين
حــــــط الـربــيـع ازهــــــاره جـــنــبـــى وراح
وايـــش تــــعــمـل الازهـــــــــار لـلـــمــيـتـيـن
عجبى !!
مــهــبــوش بــخــربــوش الــلأ لم والــــضـــياع
قــــــلبــى ومــنـــزوع م الـــضـــلـــوع انــتـــزاع
يــامـــرايــتــى يــا الـلــى بـتـرســمــى ضـحـكـتى
يــــــا هـــــلــتــرى ده وش . . . ولا قـــــنــــــــاع
عجبى !!
حــــبــيـت لـــــكن حــــــب مـــن غـــيـر حـــــنان
وصــــــاحـبت لــكن صــحـبه مــــلـهـاش امـــــان
رحــــــت لــــحـــكـــيـم واكــــتـر لــقـيـت بـلـوتــى
ان الـلـى جـــوه الــــقـلـب مــــش ع الـلـــــــسـان
عجبى !!
لــــــيه يــاحــبـيـبـتى مــا بــيــنا دايــمـا ســــفــر
ده الــــــــــبــعــد ذنـــــــب كـــــــبـيـر لا يـــغـتـفـر
لــــــيه يــا حـــــبـيـبـتى مــابــيــنا دايـما بــحــور
اعـــدى بـــــحـــر الاقـــــى غـــيــــره اتـــحـــفـــر
عجبى !!
ورا كـــل شــبــــاك الــــــف عــين مـــفــتــوحـين
وانــا وانــتـى مـــــاشــيين يــا غـــرامى الحــزين
لــــــو الــتــصــقــــنا نــمــوت بــضــربـه حــجــر
ولـــــــو افــــتـرقـنـا نـــــــــمـوت مــتــحــســريــن
عجبى !!
نـــــوح راح لــحــالـــه والـــطـــوفـــان اســتــمــر
مــــــركــبــنـا تـــآيــهـه لــــــسه ومـش لاقـــيه بـر
آه م الـــطــوفـــان . . وآهـــيـن يــــا بــر الامــــان
ازاى تـــــــبــان والــــــدنـيـا غــــــرقــانـه شــــــــر
عجبى !!
عـــلى رجــلــى دم . . نــظــرت لــه مـــا احــتـمـلـت
عـــلـى أيــــدى دم ســـــألــت : ليه ؟ لـــم وصـلـت
عـــلــى كـــتـــفـــى دم وحـــتـــى عـــلــى راســى دم
انـــا كـــلــى دم . . قـتـلـت ؟ . . ولا اتــقــتــلـــت؟
عجبى !!
انـــــا كـــــــل يـــــــوم اســـــــمــع فـــلان عــــذبــوه
اســــــــــــرح فــــى بــغـــداد والــجـــزايـر واتــــــوه
مـــاعــجـبـش م الـلـى يـطــيــق بــجــسـمـه الـعــذاب
واعــجــب مـــن الـلــى يــطـيـق يـعــذب اخــــــــــوه
عجبى !!
يـــنــــبــوع وفــى الــــحـواديــت انـا سـمـعـت عـنه
انــه عــجــيـب . . و ف وســـط لــــهـالـيـب لـــكـنه
شــقــيــت كــــمـا الــفــرســان طــريـقى . . لــقــيـت
حـــتـى الـــخــنـازيـر و الـــــكــلاب شــــربـوا مــنه
عجبى !!
يــــا قــــــرص شــمـــس مـالــهــش قــبــه ســـمــا
يـــــا ورد مـــن غـــــــيــر ارض شــــــــب ونـــمـــا
يـــــا اى مـــعــنـى جــــمــيــل ســـــــمــعــنـا عــلـيه
الـــخــلــق لــــيــه عـــايـــشــيــن حــيـــاه مـــؤلــمه
عجبى !!
شــــاف الــــطــبــيــب جــرحــى وصــف لــه الامــل
وعـــــطـــانــى مــنه مـــقــام يــا دوب مـــا انــدمــــل
مــــجــروح جــــديـد يــا طــبـيــب وجــرحـى لـهــيـب
ودواك فــــــــرغ مـــنى . . . وايــــه الـــــعـــمــــل ؟
عجبى !!
اعــــــرف عــــيـــون هـــى الـــجـــمــال و الــحــســن
واعـــرف عـيـــون تــاخـــد الــقــلـــوب بــالــحــضـــن
وعــيــون مـــخــيــفـه وقــاســـيــه وعــــيــون كـــتـيـر
وبــــاحـــس فـــيـهــم كـــــلــهـــم بـــــالـــــــحـــــــزن
عجبى !!
ايــــش تــــطــلـــبى يـــــانــفـــســى فــوق كـــــل ده
حـــــــــظــــك بــــيـــضـــحـك وانــتــى مــتــنــكــــده
ردت قـــــالـــت لــى الــــنــفـــس : قـــول لـلـــبشــر
مــــا يـــبـــصــــولـيــش بــعـــيــون حـــزيــنــه كــده
عجبى!!
اقـــــــلــع غــــمـــاك يـــا تــور وبـــطـل تــلـــف
اكـــــســـر تــروس الـــسـاقــيـه واشــتــم وتـف
قـــــــال بــس خـطـوه كــمـان . . وخطوه كمان
يـا اوصـــل نــهـايـه الــســكـه يـا الـبـيـر يـجـف
عجبى !!
يـــا حـــزيـن يـا قــمـقـم تـحــت بـحــر الـضـياع
حـــــــزيـن انــــا زيـــك . . وايـــه مـــسـتـطـاع
الـــحــزن مــا بــقـــالــهـوش جـــلا ل يــا جــدع
الــحــــزن زى الـــــبــرد . . زى الــــصـــــداع
عجبى !!
فــى يــــوم صـــحــيــت شــــاعــر بـراحـه وصـفـا
الـــــــهـم زال . . والـــــحـــزن راح واخـــتـــفــى
خــــدنـى الــعـــجــب وســــالــت روحــى ســـــؤال
انا مــــــــــت ؟ . . . ولا وصـــلـــت لـلــفـلـسـفـه ؟
عجبى !!
الـــفــيـلـسـوف قـــــــــاعــد يــفـــكـر ســـــيــبــوه
لا تـــــعــمــلـوه ســـــــلـــطـان ولا تــصـــلــبـــوه
مـــا تــعــرفـــوش ان الــفـــلاســـفــه يـــــا هـــوه
الـلـــى يـــــقـــولـــوه بــيــرجـــعـــوا يـــكـــدبـــــوه ؟
عجبى !!
عــــلـى بـــعـــد مــــــلـــيــون مـــيـل مــن ارضــنــا
مــــن الـــــــــفــراغ الـــكــونـــى بـــصـــيــت انــــا
لا شـــفـــت فـــرق مـــا بـــيــــن جـــبـــال أو بــحــر
و لا شـــــفـــت فـــرق مـــا بـــيـن عــذاب أو هـــنا
عجبى !!
انــــســـان . . ايـــا انــــســان مـــــــا اجـــهـــلــــك
مــــــا اتـــفــــهــك فـــــى الـــكـــون ومــا اضــالــك
شـــمـــس وقـــمــر وســــدوم ومــــلايـيـن نــجــوم
وفـــاكـــرهـــا يـــا مـــوهـــوم مـــخـــلـــوقــــه لـــــك ؟
عجبى !!
نـــظــرت فــــــوقــى لـلــنــجــوم وانــــا ســــــايـــر
رجــــلــيـا عــتـــرت فــى الـــحــفــر والــحـجــايـــر
بــقــيــت اقــــول وانـــا ع الــتــراب : يــــا ســـــلام
مـــش بـــس عـــبــره اخـــدت . . لـــكــن عـــبـايــر
عجبى !!
يـــا نـــجـــم . . نـــورك لــيـه كـــده بـيـرتـجـــف ؟
هــو انــت قــنـديــل زيــت ؟ . . أو تــــخـــتـــلـــف ؟
انــا نـــجــــم عـــالــى . . بــس عــــــالى قــوى
وكــــل مــا انــــظــر تـــحــــت اخــــاف انــحـدف
عجبى !!
الــــســم لــو كـــان فـى الــدوا . . مــنــيـن يــضـر ؟
والــــــمـــوت . . ولـو لـــعـدونـا . . مــنـيـن يــسـر ؟
حـــــط الـــقــلــم فـى الــحــبـر واكــــتـب كــــمـان
والــــعـبــد لـلــــشـهــوات مــنــيـن هــــــو حــــــــر ؟
عجبى !!
وقــــــفـــت بــيـــن شــطـــيـــن عـــلى قـــنـــطـــره
الــــــكـــدب فـــيـن . . والـــصـــدق فـيــن يــا تــرى
مــــحــتـار ح امــوت . . الــحــوت خـــرج لي وقــال
هــــــــو الـــــكــلام يــتــقــاس بــالـــمـــــســـطــــره ؟
عجبى !!
ســــــــرداب فــــى مـســتــشــفى الــولاده طــــــويــل
صــــرخـــات عــــــذاب ورا كــــل بــــاب وعــــويــــل
. . وفـــى الـــــطـــريـــق مــتـــزوقـيــن الــــــبــنـــات
مــــتــــزوقــيـــن . . . لـلــــــحـــب والــــمــــواويــــل
عجبي !!
الـــدنـــــيــا اوده كـــــــبــيــره لــللانــتــظـــار
فــيــــهــا ابـــن آدم زيـــــــه زى الــــحــمــــار
الـــــهــــم واحــــد . . والـــمـلـل مـــشـــتـرك
ومـــفـــيـــش حـــمـــار بــيــحــاول الانـتــحــار
عجبى !!
نــســمــه ربـيـع لـــكـن بـتـشـوى الـــوشــوش
طـــيـور جــمــيـله بــس مـــن غـيـر عــشــوش
قـــــلــوب بــتـخــفــق . . انـــمـا وحــــــدهــا
هـى الــحــيـــاه كــده . . كــلـهـا فـى الـفـاشــوش
عجبى !!
يــا طــيـر يـا عــالـى فـى الــســمــا طــظ فــيــك
مـــــــا تــفـــتــكــــرشـى ربــنـــا مــصــطــفــيــك
بــرضـــك بــتــاكــل دود ولـلــطـيــن تـــــعـــود
تـــمـص فــــيه يــا حــــــلـو ويــــمـــص فــيــــك
عجبي !!
كــــروان جـــريـح مـــضــروب شــعــاع م الــقـمـر
ســـــــقـط مـن الــــــســمــوات فــــــؤاده انــكــســر
جـــــريــــت عـــلــيـه قـــطــه عـــشــان تـــبــلـــعــه
اتـــــاريــه خـــيـــال شـــــعــرا ومــا لــــهــوش اثــر
عجبى !!
يـــالــلى نــصــحــت الــنـاس بــشــرب الـنـبـيـت
مــــع بـنـت حـلـوه ..وعـود ..وضـحـك وحــديـت
مــش كـنـت تــنــصــحـهـــم مــنـيـن يـــكـــســبــوا
تــمـن ده كـــــــله . . . . ولا يــمـكـن نـــســيــت
عجبى !!
مــــاحـــد فـــى الـــدنــيــا دى واخــد جـــــزاتـه
ولا حــــــد بــيـــفــكـر فــى غــــيـر لـــــذاذاتــه
ما تعــرفــيش يـا حـبـيـبـتـى . . انـا وانـتـى مـين ؟
انــتـى عــروس الـــنـيـل. . وانـا الــنـيـل بــذاتـه
عجبى !!
اخـــــطـــفــنـى يـــالـلى تــحــبـنـى ع الـحــصان
الــــدنـيـا قــــالـت يــوم فـى مــــاضـى الــزمـــان
اخـــــــطــفــنـى يـالـلى تــحـــبــنـى ع الـــــفـرس
الــــدنـيـا قـــالــت . . قــام خــطــفـهـا الـشــيـطـان
عجبى !!
مــن بـيـن شـــقـوق الـشــيـش وشــقــشـــقـتـلـك
مـع شـــهـــقــه الــعـــصـــافــيـر وزقــزقــتــلــك
نـــــهـار جـــديـــد قــــوم شــــوف نــعـمــل ايـــه
انــا قــــلـت يـا ح تـــقــتــلـنى . . يـا ح اقــتــلــك
عجبى !!
قـــــلـبـى عـلـيـل يـا نـاس و في الــــكـاس دواه
مــــــديـت لـه ايـدى شـــربــت م الـلــى حــــواه
جـــنـبـى الـــشـمال خــف . . الــيـمـيـن اتـوجــع
وايـــــه يــــداوى الـــكـبــد م الـلـــى كـــــــــواه
عجبى !!
دى مــــذكــرات و كــتـبـتـهــا مـن ســــنـيـن
فــى نـــوتـه زرقــا لــون بــحـــور الــحــنـيـن
عــتـرت فـيـهـا. . . رمـيـتـهـا فـى الـمـهـمـلات
وقــلـت امــــا صــحــيــح كـــــلام مـخـبـولـيـن
عجبى !!
دخــــل الــــشـتـا وقـفـل الـبـيـبـان ع الـبـيـوت
وجــعــل شــعـاع الـشـمـس خــيـط عـنـكـبـوت
وحــاجـات كـتـيـر بـتـمـوت فى لـــيـل الـــشـتـا
لــــكـن حــــاجــات اكــتـر بـتـرفــض تـــمـوت
عجبى !!
الــــــدنـــيـا مــن غــــيـر الــــربــيـع مـــيـتـه
ورقــــه شـــجـــر ضـــعــفــانــه ومــفــتـفـتـه
لأ يـا جـــدع . . غــــلـطـان تــامـل وشـــــوف
زهــر الـــشــتـا طـــــالـــع فى عــز الـــشــــتـا
عجبى !!
يـــالــلــى انـــت بــيـتـك قــش مــفـروش بــريـش
تــــقــوى عـــلـيـه الـــريــح . . يــصـبـح مــفــيـش
عــــجـــبــى عــلـيـك حـــوالــيـك مــخـالــب كــــبـار
ومـا لــــكــش غـــيـر مـــنــقــار وقـــــادر تـــعـيـش
عجبى !!
ســـــمــعــت نـــقــطـه مــيه جــــوه الــمـحــيــط
بــتـقـول لـنـقـطـه مـــا تــنـزلـيـش فى الــغـويـط
اخـــاف عــــلـيــكـى م الـــغـــرق . . قــــلـت انــا
ده الــلــى يـــخــاف م الــــوعــد يـبـقى عـــبـيـط
عجبى !!
جـــــالـك اوان ووقـــــفــت مــــوقــف وجـــــود
يـــا تــجـود بــده يـــا قــــلـبـى يـــا بـده تــجــود
مـــــا حــد يـــقــدر يـــبـقـى عــلـى كـــــل شـىء
مـــــع ان - عــجـبـى- كـــل شـىء مــــوجـــود
عجبى !!
جـــــــالــك اوان وعــرفــــت مـــشـى الـجـنـايـز
كـــيـف شــفــتـهـا يـــــا عـــــبـد رب الـلــــذايــذ
قـــال : شــفـت شـــيـل بـالـحـيـل فـقـيـر او امـيـر
كـما شــالــوا فـى الـخـمـايـر فــواضـى الـقـزايـز
عجبى !!
انــا كــــنـت شىء وصــبـحــت شىء ثـم شىء
شــــوف ربـنـا . . قــــــادر عـــلى كـــــل شىء
هـــــزالـــشــجــر شــواشـيـه ووشــوشــنـى قــال:
لابـــد مــا يــمــوت شىء عـــشـان يــحـيا شىء
عجبى !!
يـــا مــــشــرط الـــــجــراح امــــانـه عــــلـيـك
وانـــت ف حــــشــايـا تــبـص مــن حــوالــيـك
فى نــقــطـه ســــوده فى قـــلـبـى بــدات تـــبـان
شـــيـلـهـا كــمـان والـــفـضــل يــرجـــع الـــيـك
عجبى !!
كــــيـف شــفــت قــــلـبى والـنـبـى يـا طـبـيـب
هــــمــد ومــــــات ولا ســــامـع لــه دبـــيـب
قــالـلى لــــقــيــتـه مــــخــتـنـق بــالــدمـــوع
وما لــوش دوا غــيـر لــمـسه من أيـد حــبـيـب
عجبى !!
تــسـلـم يــا عــود الـــخـوخ يـا عــود الـحـطـب
يــيــجـى الـــربـيـع تــطـلـع زهـــورك عــــجــب
وانــا لـــيه بــيـــمـضـى ربــيـع ويـيـجـى ربــيـع
ولـــسـه بــرضــك قـــــلـبـى حـــــتـه خـــشــب
عجبى !!
بــــحــر الــــحـيـاه مــلـيـان بــغـرقـى الـــحــيـاه
صـــرخــت خـــش الــمـوج فـى حـــلــقـى مـــلاه
قــارب نــجــاه ! . . صــرخــت قـــالــوا مــفـيـش
غــــيـر بــــس هــــو الـــــحـــب قـــــارب نــجــاه
عجبى !!
فـــــارس وحـــيــد جـــوه الــــدروع الـــــحــديــد
رفـــــرف عـــلـيه عــــصـــفــور وقــالـه نــشــيـد
مــــنــيـن مــنـيـن . . ولــفـيـن لــفـيـن يــا جـــدع
قـــــال مــــن بــعــيــد . . ولـــسـه رايـــح بــعـيـد
عجبى !!
كـــــان فـــيـه قـــمـر كـــانه فــــرخ الــــحـــمـام
عـــلى صـــغــره دق شـــعـاع شـــق الـــغـــمــام
انـــا كـــنــت حــــاضـــر قـــلـت لــه يــنــصـــرك
اشـــحــــال لــــمــا ح تــبــقى بــــدر الــــتــمـــام
عجبى !!
صــــــــوتـــك يــا بـــــنــت الايــه كـــانــه بــــدن
يــرقـــص يــزيــح الـــهـم يــمـحـى الــــــــشــجـن
يـــــا حـــلــوتـى وبـــــدنـــك كــــــــأنــه كـــــــــلام
كـــــــلام فــلاسـفـه ســــكـروا نـــســيــوا الــــزمـن
عجبى !!
كـــــربـــاج ســـعـاده وقـــلـبـى مـــنه انـــجــلـد
رمــــــح كــــانـه حـــــــصـــان ولـــــف الـــبـلـد
ورجـــــع لـى نــص الـلــــيـل وســـالـنى . . ليه؟
خــــــجـلان تـــقـول انــك ســـــــــعــيـد يـا ولـــــد
عجبي !!
مــــزيــكـه هــاديـه الـــكـون فــيـهـا انــغـمـر
وصـــيــف. . ولـــيـل. . وعـقـد فـل وســـمـر
يا هــلــتـرى الــــنـاس كـــلـهـم مــبـسـوطــيـن؟
ويـــا هـــــلــتـرى شــــأيـفـيـن جــــمـال الــقـمـر؟
عجبي !!
انــــــــشــد يــا قـــــلـبـى غــــنـوتــك لـلــــجــمــال
وارقــص في صــدرى مــن الـــيـمـيـن لـلــــشـمـال
مــــا هــوش بــــعــيــد تــفـــضــل لــبـكـره ســعـيـد
ده كــــل يــــوم فــــيـه الـــف الــــف احـــــتـــمــــال
عجبى !!
آه . . لـــو انــا ومـــحـــبــوبــتـى جــزنا الـــفــضـا
في ســـــفـــيــنـه وحـــديـــنـا . . واشـــــيـا رضـــــا
ســـــاعــه صـــــفـا تــــعـجـــبـــنــا نـــرجـــع لـــهــا
والــــهــم قـــبـل مــــا يــيــجـى . . يــبــقـى مـــضـى
عجبي !!
حـــــدوتـــه عـــن جـــعــران وعــن خــنــفـــسـه
اتـــقــابــــلــوا حــــبــوا بـعــض ســــاعه مــسـا
ولا قـــــالـهـم حــــد اخــــتــشــوا عـــيـب حــــرام
ولا حـــــــد قــــــــــال: دى عــلاقـه مـــتــدنــسـه
عجبى !!
يــــالــلــى عــــــرفــت الــحـب يـــوم وانــطــوى
حــــســك تـــقــول مــــشـتـاق لــنـبــع الـــهــــوى
حـــــســك تـــقــول مـــــشــتــاق لــنـبـع الــغــرام
ده الــــحــب مــــيـن داق مــــنه قــــطـره ارتــــوى
عجبى !!
زحـــــــام وابـــواق ســــــيــارات مـــــزعــجـه
الـلــى يــــــطـول لــه رصـــيــف يـــبــقى نـــجـا
لــــــــــو كــــنــت جــــنــبـى يــــا حـبـيـبـى انـــا
مــــش كـــنـت اشــــوف الــــــحــيـاه مــبـــهــجــه؟
عجبى !!
أيـــــــديـــا في جـــــيــوبـى وقـــلـبـى طــــرب
ســــــارح فـى غـــــربـه بـــس مــش مــغـتـرب
وحـــــــدى لـــكـيـن ونــســان ومــــاشــى كــده
وبــابــتـعـد . . مــاعـــرفــش . . أو بــاقــتـرب
عجبى !!
يــــا مـــيـــت نــدامـــــه ع الــقـلـوب الــخـلا
لا مـــحــبـه فــــيــهــا. . ولا كـــــــراهــه ولا
حــتـى يـا قـــلـبـى الـــحــزن مـــا عـــدش فـيـك
مـعـــلــش . . . لـــك يــوم بـرضـه راح تـتـــمـلا
عجبى !!
مــــرحــب ربــيـع مـــرحــب ربــيــع مـــرحــبـه
يــا طـــفــل يـــا لـلــى ف قــلـبـى نـاغــا وحـــبـا
عـــلــشــان عـــــيـونــك يــا صـــغـنـن هــــويـت
حـــــــتـى ديـــــدان الارض. . . . والاغــــــربـه
عجبى !!
فــــتـــحــت شـــــــبـاكـى لـــشـمـس الــصـــبـاح
مـــا دخــــلــش مـــنـه غــــيـر عـــويـل الـريــاح
وفــــتــحــت قـــلـبـى عــــــشـان ابــوح بـــالالــم
مـا خــــرجـش مـنه غــــيـر مــحــبه وســـــمـاح
عجبى !!
غـــــمـســت ســــــــنــك فـى الـــســواد يـا قــــلـم
عــــلــشـان مـا تـكـتـب شــــــعـر يـــــقــطـــر الـــم
مـــــالــك جــــرالــك أيـــه يـا مــجـــنـون. . ولـيه
رســـــمـــت ورده وبــــيـــت وقــــــلــب وعـــــلـم
عجبى !!
انـــا الـذى عــــــمـرى اشـــتــيـاق فـى اشـــتـيـاق
وقــــــطـر داخــــــــــل فـى مــــحــطـه فــــــــــراق
قـــــــصــدت نــبــع الـــــســم وشـــــربــت ســــــم
مــن كــــتـر شـــوقــى وعــــشــمـى فى الــتـريــاق
عجبى !!
انــــا الـذى عــــــشــت الـــــــــزمـن مــــضـــيــعـه
بـــــروح حــــــزيــنـه مــــــعــفــنـه مــضـعـضـعـه
زرعــــــت شـــــجــره ســـــــنـط لــجـل انـــجـــرح
لــــقــيــتـهـا شـــــــعـر الــــبـنــت ومــــــفـــرعـــه
عجبى !!
لــــو فـــيـه ســـلام فـى الارض وطــمـان وامــــن
لــــو كـــان مــفـيـش ولا فــقـر ولا خــوف وجــبـن
لــــو يـــــمـلـك الانـــسـان مــــصـيـر كـــــل شىء
انــا كـــــنـت اجـــيــب لـلــــدنــــيـا مـيـت الــف ابن
عجبى !!
الـــــــعـــشـــب طــــاطـــا لـلـــــنـــــســأيــم ونــــخ
اخــــــضـر طــــرى مـا لــهــش فىالـــحـــــسـن اخ
عــصـفــور عــبـيـط انـا . .غــاوى بــهـجـه وغــنـا
ح انـــــزل هـــنــا . . وانـــشـالله يـــهــبـرنــى فـــخ
عجبى !!
اوصـــــــــيــك يـــا ابــنـى بــالــقــمـر والـــــزهــــور
اوصـــــــيــك بــــلـيـل الــــــقـاهـــره الـــــمــســحــور
وان جـــــيــت فـى بـــالــك . . اشـــــتـرى عـــقـد فـــل
لأى ســــــــمــرا . . وقــــــــبـــرى اوعــــك تـــــــزور
عجبي !!
غــــــمــض عـــيـنـيـك وارقـــص بـــــخــــفــه ودلــــع
الـــــــدنــــيــا هى الــــــشــابــه وانــــــت الــــــــجــدع
تـــــــشــوف رشــــــــــاقــه خـــــــطــوتــك تـــعــبــدك
لـــــكـن انـــــت لـــو بــصــيــت لـــرجـــلـــيــك. .تــقـع
عجبى !!
حــــــاســب مــن الاحـــــــزان وحـــاســـب لــهـا
حـــــاســب عــلـى رقــــابــيـك مـن حـــــبــلــهـا
راح تـــــنـــتــهــى ولا بـــــد راح تــــنــــتـــهـى
مـــــــش انــــتــهــت احـــــــزان مــن قــــبــلـهـا؟
عجبى !!
يــــاســـك وصـــبـرك بـيـن أيــديـك وانــت حـــــــر
تــــيـــأس مــــا تــــيــأس الــــحــيــاه راح تـــــمـــر
انـــا دقـــــت مـــنده ومـــنده - عجبى- لـــــقــيــــت
الــــــــصــــبــر مــــر . . وبـــرضــــك الــيـاس مــــر
عجبى !!
ولـــــــدى نــــصــحـــتــك لـــمـا صـــــــوتـى اتــــنــبـح
مــــا تـــــخـــافــــش مـن جـــنـى ولا مـــن شــــــــبــح
وان هـــــــب فـــــيــك عـــــفــريــــت قــتـيــل اســـالـه
مــادافـــعــش لــيـه عــن نــــفــسـه يــوم مــا انــدبـــح؟
عجبى !!
ولــدى الـــــيـك بــدل الـــــبـالـــون مــيـــت بــــالــون
انـــــــفـــخ وطــــرقـــع فــــيـه عــــلـى كـــل لــــــون
عــــــســاك تــــشــوف بــعــنـيـك مـــصـــيـر الــرجـــال
الــــمــنــفــوخــيــن فـى الــــســتـره والـــبــنـــطـــلــون
عجبى !!
خــــــــوض مـــعــركــتـهـا زى جـــــدك مـــا خــــاض
صــــــالــب وقــــالـــب شــــــــفــتـك بــامـــــتــعـــاض
هى كـــــده . . مـا تــــنــولــــش مـــنــهــا الامــــــل
غـــــــيـر بـــعــد صـــــد ورد ووجــــــــع مــــــخــــاض
عجبى !!
كــــام اشـــتــغــلـت يــا نــيـل فـى نـــحــت الــصــخــور
مـــلــيــون بـــئــونـه والـــــــــف مــــــلــيـون هــــاتـــور
يــــا نـــــيــل انـــا ابـــن حــــــلال ومـــن خــــــلــفــتــك
ولــــــيــه صــــعــــيــــبــه عـــلـــيـه بـــــس الامـــــور؟
عجبى !!
انـــا قـــــلـت كــــلــمه وكـــــان لـــهــا مـــعــنـيــيـن
كـــــمـا بـــــطـن واحــده وتـــوامــيـن زيــن وشـــيـن
لــــو دنـــيــا شــر. . . الـــــتـوام الـــخــيــر يـــمــوت
لــــو دنـــيــا خـيـر. . . الـــــشـر هــأيـعـيـش مــــنـيـن؟
عجبى !!
انـــا الــــلــى بــــالامـــــــر الــــــمــحـــال اغـــــتــوى
شـــــفــت الــــقــمــر نــطــيــت لـــفــوق فـى الـــهــوى
طـــــــلــتـه. . . مــا طــــــلــتـه أيــه انـــا يـــــهــمـنـى
ولــــيـه. . مــا دام بــالــــنــشــوى قــــــلـبـى ارتـــوى
عجبى !!
بــــره الـــــقــزاز كـــان غــــيـم وامــطـار و بـــــرق
مــــا يـــهــمــنــيـــش- انـا قــلـت- ولا عــنـدى فـــرق
غـــــــــــيــرت رايـــى بـــعــد ســـــــــــاعــه زمــــــن
وكــــنـــت فـى الــشـارع . . وفــى الـــجــزمـه خــرق
عجبى !!
عـــــيــنـى رات مـــــــولــود عــــلـى كــــــتــف امـــه
يـــــصــرخ تـــــهــــنـــن فــــيـه يـــصــرخ تــــضــمـه
يــــصــرخ تــــقـــول يــا ابــــنـى مـــا تـــنــطــق كــلام
ده الـلــى مـــا يـــتــكــلــمـش . . يــا كــــــتــر هـــــمـه
عجبي !!
يـــا عـــنـدلـــيــب مــا تــــخـــافــش مـن غــــنـوتــك
قـــــول شـــــكــوتــك و احــــــكـى عـــلـى بــــلـوتـك
الـــــــغـــنـوه مــــــش ح تـــــمــوتـــك . . انــــــمــا
كـــــتـم الـــــغــنـا . . هــو الــلــى هــــأيــــمــوتـــك
عجبى !!
يــــالـــلــى بـــتــبــحـث عــــن الــــــه تــــعـــبــده
بــــحـــث الــــغـــريــق عــن اى شىء يــــــنــجـده
الله جـــــمـــيــل وعــــــلــيــم ورحــــمـن رحـــــيـم
احــــــــمــل صــــــفـاتــه وانـــــت راح تـــــوجـــده
عجبى !!
لا تـــجــــبــر الانــــــــســان ولا تــــخـــيــره
يــكـفـيه مـا فـــيه مــن عـــقـل بــــيــحـــيــره
الـلـى الـــنـهـارده بـــيــطــلـبـه و يــشـتـهــيـه
هـــو الـلــى بــــكـره ح يــــشــتــهـى يــغــيــره
عجبى !!
طـــــــال انــــتــــظــارى لـلـــربـــيــع يــــرجــع
والــــجـو يـــدفــا والـــــزهــــــور تـــــطـــــلــع
عــــاد الــــربـــيـع عـــــارم عــــرمــرم شـــبـاب
أيـــه الــلـــى خـــــــــلانــى ابـــتــديــت افـــــزع
عجبى !!
ولو انــضــنــيــت وفـــــنـــيـت وعـــمــرى انــفــرط
مـــش عــــــاوز الــجــا لــلـــحـــلــول الـــوســـــط
وكـــــمــان شـــطــط وجــــنــون مــانــيـش عــايــز
يـــا مـــيــن يــــقــولــى الــــصــح فــيـن والــغــلـط
عجبى !!
عـــــــاد الــــــربــــيــع كـــــانــه طـــــعــم الـــحــــــب
والــــــحـــــب نــــار جـــــوه الــــعــروق بـــتــصــب
اتــــــــمــــتــع ازاى بـــــيــه وانـــا مـــــــتـــقـــطــع
مـــن كــــــتـر خــــوفــى لا فـى الــخــطــيـئـه يــطــب
عجبى !!
ازاى شــــــــــبــابــنـا يــــــقــوم ويــاخــد دوره
مـــن غــــيــر صــراخ يــاذيـه ويــجـرح زوره
يــــا هــــلـــتـرى احــــسـن لـه يـــقـعـد سـاكـت
او يــــنــتـــرك ولــــو خـــرج عـــــن طـــــوره؟
عجبى !!
عـــــيــنـى رأت عــــصــفــور وويــــاه ابـــنـه
بــيـحـدفـه فـى الــريـح ويـاخــده ف حــضـنـه
نـــوبـتـيـن وتــالـت نـوبه - عـجـبـى عـلـيـهـم
كــــانــوا ســـــوا بـــيــرفــــرفـــوا ويــــغـــنــوا
عجبي !!
احـــسـن مــا فـــيـهـا الــعــشـق والـــمـعـشـقـه
وشـــــويـتـيـن الـــــــضــــحــك والــــتـريـــقــه
شــــفـت الـــــحــيـاه , لـــفـيـت , لــقـيـت الالــذ
تــــــغــيـــيــرهـــــا ، وده الـــتـعـب والـــشــقـى
عجبى !!
عـــجــبـى عــلى الــعـجـب الــعـجــيـب الــعــجـاب
لـــــمـا الــــحـــقــيــقـه تـــطـل بـــعـد احــــتـجـاب
وتـــــروق وتـــحـلا وفــــجــأه تـــصـبـح مــفـيـش
كـمـثـل طــــراطــيـش بـــحــر يــامــا خـــد وجــاب
عجبى !!
فـى الــــهــوى مــــاشـى يــا بــهــلـوان اش اش
يــا فـــراشــه مــــنــقــوشــــه عــــلــى كـــل وش
شــــــــقـــلـبـت عــقــلـى وعــقــلـى شــقــلــبــنـى
وكـــــنــت بــحــســبـنـى بـــقــيــت مــا انــدهـــش
عجبى !!
وقــفـت ســــاعـه الـصـبـح بـاغـــسـل ســــنـانـى
قــــــالــت شـــــــايــف قـــــوتـى ولــــــمــعــانــى
أيـــــش تـــطـــلـــب الــــيـوم ضــــحــكـه اســـــد؟
ولاابـــتــســامــه اعـــــــلانــات امــــــريـــكــانـى؟
عجبى !!
الـــــــــحــلــو يـــــم الــــيــم صــــــــابـح رايـــــح
ســـــارح ف حــضــن الــمــيـه ســـابـح ســــأيـح
الـــــــحــلــو داب فـى الـــبــحــر. . قــلــت ادوقــه
وجـــــدت لـــــسـه الـــــبــحــر بــــرضـــك مـــالـح
عجبى !!
يــــا كـــل كـــلــمـه لـلــعــجــب فـى الــقــامـــوس
انــــســـكــلــوبــيـديــا لــسـان عـــــرب او لاروس
تـــــعــالـوا نــجــده . . ده لـــسـه فـى عــــصــرنـا
الـــــشــمـس والــبـحـر الــعـريــض بالـــــفــلـــوس
عجبى !!
الــــــمـوج تــــلــول تــــهــبــط وتـــــطــلـع تـــلــول
يـــا بــــحـر خـــــدنــى الــــشــط صــاحـبـك مـــلــول
والا بــــلاش . . . الــــبـــحــر هـــعــمــل بـــه أيـــه
ده ريـــحـــتـه طـــحــلــب مــــهــرى وام الـــخــلـول
عجبى !!
عـــــيــنـى رات مــخـلـوق فـى غــأيـه الــبـشــاعـه
انــــا قــــــــلـت لــه لـــمــا اتـــامـــلـتـه ســـــــاعه :
الــلـــــذه والــــــــــــمــوت عــــلـمـوك الـــلـــــزج
وانـــا عــــلــمــونـى الــفـــلـســفـه والــشــجــاعــه
عجبى !!
عـــــلـقـت فـى الـــمــسـمـار قــــــنـاع مـــهــزلـه
ومــــــعــاه قــــــنـاع مــأســاه بـــحـزنـه ابــتـلـى
بـــصــيـت لــقــيــتـهـم يـــشــبـهـوا بــعــضــهــم
واهـــــو ده الــــــعــــجــــب يــا ولاد . . والا فــلا
عجبي !!
لـــــولا اخـــــــتــلاف الـــــراى يــا مـــــــــحـــتـــرم
لــــولا الــــزلـــطــيــن مـــالـــــوقــــود انـــــضــرم
ولـــــولا فـــــرعـيـن لـــــيـف ســـــــوا مــــخـالــيـف
كـــــان بــــيــنـا حـــبــل الـــــود كــــيــف انـــــبــرم
عجبي !!
يـــا ورده قــــلـبـى مــــعــاكـى فــى الــــريــح لـــــــعـب
لا تــــــعـــبــتـى م الـــــريح ولا قـــــــلــبــى تـــــعـــب
احــــــــنـا كــــده : نـــرتـــاح فى صــخــب الـــجـــنـون
وفى الــــــســــكــون بـــنـخـاف قــــوى ونــــتــــرعـــب
عجبي !!
مـــــــا آنـــتـاش بــــتــلــعــب لـــيـه يـــا روح بــابــا؟
ولا عـــــــســـكــرى ولا لــــــــص فى عـــــــصـــابــه؟
الــــــعـــب اســــــد او ديــــب رهــــيــب او غــــــــزال
دى الـــــدنـــيـا فى نــــهـأيــه الــمــــطـــاف غــــــابــه
عجبي !!
ورد ف ورق ســــلــوفـــان يـــا حـــــلــوه اهـــــديـلـك؟
والا انـــــقـــله بـالــــــطـيـن فـى شـــــتـله واجـــيــلـك؟
الاولانــــــى لــــــــو وحـــــا . . . بـــحــــنــانـى
عـــجــبـى عـــلــى الــــــتـانـى بـــايــه يــــوحـــــيــلـك؟
عجبي !!
انــا قــــلـبـى كــــوكـب وانـــطــلــق فـى الـمـــدار
حـــــوالــيـكـى يـا - مـحـبـوبـتـى- يـا نـــور ونــار
يـــلــف مــهـــمـا يــلــف مـــا بــــيــكــــتــفــيـــش
وتــــمــلـى نـــــصـه لــــــيــل ونـــصـه نـــــــهــار
عجبي !!
الارض شـــــــوك أيــــوه لــكــيـن . . هــــــأيــش
والــحــمـره مــــش يــعــنـى الـــطـريــق حــــايــش
دى دمــــنــا الـــــســـيـال . . وبــــــشــره خـــــــيــر
إن انــــــت عـــــايـــشـه . . وان انــــا عـــــــأيـــش
عجبي !!
أيــه الـلـى خـــــــدتــه مــن مــــــرور الــــــســنـيـن
يـــا قــــــلــبـى غــــــيـر دمــــــعـــتــك والانـــــيــن
بــــــــتـــئــن وبـــتـــفــرح . وتـــــرجــــع تـــــحــن
مــــــع إن مـــــش كــــل الــــبــشــر فــــرحــانــيـن
عجبي !!
اوقـــــــات افــــوق ويــحــل عـــــنـى غـــــبــايــا
واشـــــعــر كــــــانـى فـــهــمــت كـل الـــخــبــأيــا
وافـــــتـح شـــــفــأيــفـى عـــــشــان اقـــول الــدرر
مــا اقـــولـش غــيـر حــبه غــزل فـى الــصـــبـأيـا
عجبي !!
مــــــركـــب ورق مــــن نــــفــخــه تـــتـــطــوح
ركــــــــــبـــــتــهـا . . والـــــكــل بـــــيـــــلــوح
ســـوحــت فـــيـهـا اتــنـيـن وخـــمــســيـن ســـنه
لـلان . . ولا بــــــتـــغـــرق . . ولا تـــــــروح
عجبي !!
يــــا خـــالــق الــــكـون بـالــحـسـاب والـــجــبـر
وخــــالــقــنـى مــاشـى بــلــخــتــيــار والــجــبـر
كــــل الـلــى حــــــيــلــتـى زمـــــزمــيـه امـــــــل
وازاى تــــكــــفــــيـــنـــى لــبـــاب الـــــــقــــبـــر؟
عجبي !!
قــــاعــده قــــنـانـى الــخــمـر ســـاكـتـه وســاهـية
مـــــع ابـن آدم فـى الـــــشــــبـه مــــــتـــنـــاهـــيـه
مـــفــيـش كــده روقــان فـى لـحــظـه تـــشــوفـهــم
وبـــــعـــدهــــا بــــلــحــظــه يـــودوا ف داهــــيـه
عجبي !!
حـــــتـه مـــحـاره وجـــدتـــها فى يــوم لــــــقـيه
قــالـت لـى شــوف كــيـف الــطــبــيــعـه شــقـيه؟
نـــــظــرت فـى الــكــهــف الـلـى فــيـهـا لــقــيـت
إن الـــطــبـــيـــــعــه كــــمـان غـــيـر اخــلاقــيـه
عجبي !!
بــلـيـاتـشـو قــال أيـه بـــس فــــــأيــده فــنـونـى ؟
وتــلات وقـــق مــــــســاحـيـق بــيــلـونــونـى
والــــطــبـل والـــزمــامـيـر وكــــتـر الــجــعـيـر
إذا كــان جـــنـون زبـونـى زاد عـن جــنــونـى
عجبي !!
نــــقــطـه مــــراره كـــمـان عـــلـى مـــشـروبـى
دوبــــهــا يــا ســـاقـى حــــســب مــــــطــلــوبـى
طــعــم الــحــياه . . مـش بــرضـه فـيـهـا وفــيـهـا؟
لـــــــيـــالــى وردى . ونــــــهـــارات خــــــروبــى ؟
عجبى !!
وســــــط الـــــحـــطــام اتــــفـــرجــوا يـــا انـــام
تــــمــثـــال مـــلــك . . ومــــبـــولــه م الــــرخام
لـــتــنــيــن نــحـــتــهــم نــــفـس اســطى الـحـجـر
وكــــانـــوا ذات يـــوم كــتــلـــتــيــن لــسـه خـــام
عجبى !!
عـــــيــد والـــعــيـال اتــنـطــطـوا ع الــــقــبــور
لـــعـــبــوا اســـتـغــمـأيــه . . ولــعـبـوا بــــابــور
وبــــالـــونــات . . ونـــأيــلــونــات شـــفــتــشـى
والــــحــزن ح يـــروح فـــيـن جـــنــب الــســرور
عجبى !!
انـــا قـــلــبــى كــــــوره والــــــفــراوده اكـــم
يــــامــا اتـــنـطـح وانــشـاط ويـامــا اتــــعــكـم
واقــــول لـه كـله ح يــنــتــهـى فـى الـــمــعــاد
يــــقــول بـــسـاعـــتـك ولا ســــاعـه الـــحــكــم ؟
عجبى !!
الـــضــحــك قــــال يــا ســــم ع الــتــكــشــيـر
امــــشــيــر وطــــوبــه وانــا ربــيـعـى بــشـيـر
مــطــرح مـا بــاظــهــر بـانـــتــصــر ع الــعـدم
انـــشـــالله اكـــــــون رســمـايـه بــالـطـبـاشــيـر
عجبى !!
اهـــوى الـهـوى وهـــمـس الـهـوى فى الــعـيـون
وبــــسـمـه الــــمـــغــرم . . ودمــــعـه الـــحــنـون
وزلـــــــزلات الــــــحـــــب نــــهــد الـــــــصــبـا
اكـــــــون انـــا الـــمــحــبــوب . . أو لا اكــــــون
عجبى !!
يا مــلـونـيـن الـبـيـض فى شـــــم الــــنــسـيـم
لـــــون الـــحــنـيـن والـشـوق وخــمـر الـنـديـم
مـا تــعـرفـــوش ســــايـق عـــلـيـكـوا الـنـبـى
تــلـونـوا الايـــــــــام بــــــلـون الــــــنــعــيــم
عجبى !!
الــــدنـيـا صــنــدوق دنـــيـا . . دور بـعـد دور
الـــــــــدكـه هي . . وهى كــــل الـــــديــــكــور
يـمـشـى الـلى شـاف ويـسـيـب لـغـيـره مـكـان
كـــــــان عــــربـــجــى أو كـــان امــبـراطـــور
عجبى !!
قــــطـى الــــعــزيــز راقــــد عــلى الـــكــنــبـات
فى نــــوم لــذيــذ وبـيـلــحـــــس الـــــشــنــبــات
وانـــا كــل عــــيـن فــنـجـان مـــدلــدق قــــلــق
صــــدق الـلى قــــال إن الــــحــــيــاه مــــنـابـات
عجبى !!
قــــالـوا الــســيـاســه مـــهــلــكـه بــشـكـل عــام
وبـحــورهــا يـابـنى خـــشــنه مـش ريـش نـعـام
غــــوص فـــيـهـا تـــلـقـى الــغـرقــانـيـن كـــلـهـم
شـــايـلـيـن غــنـأيـم. . والــخــفــيــف الـلـى عــام
عجبى !!
ســلام ســلام. . ســلام ســلام . . ســـــلام
كـــلام كــــلام. . كـــلام كـــلام. . كــــــلام
هـــــز الـــــورق يــا صــــاحـــبـى كــــدهــوه
يــطــلــع كـــلام ســـلام . . وســــلام كــــلام
عجبى !!
فــــوق تــحــت ورا قــدام يـمـيـن شـــــمــال
فى الــجـو تـحـت الـمـيـه أو فى الــــرمـــــال
طـــلـب الــــكـمـال يـحـــرم عــلى الـمـمـــكـن
والــمـمـكـنـات دول مــحـرومـيـن م الــكـمـال
عجبى !!
هــــات يـا زمــان وهـــات كــمـان يــا زمــان
غـــيـر بـــسـمـه الــشــجــعــان ما منى يـبـان
هــو الـلـى داق الـــفــرحـه يــــــوم ثــــــورتـه
يـــقـــدر يــــعـود ولا ثــــانــيـه لــلاحـــــزان؟
عجبى !!
عـــبـثـا بـاقــول واقــرا فى ســـوره عـــبـس
مــا تــلـومــش حــد إن ابـــتـســم أو عـــبـس
فـــيـه نــاس تــقـول الــهـزل يــــطــلـع جــد
ونـــــاس تـــقـول الـــجــد يــــطــلـع عـــبــث
عجبى !!
يـــــومــى عــلـى الله تــنــتــهــى وتــــغــيـب
الـــشـمـس. . وتــعـود تــانـى يــوم لـهـالـيـب
زى الـــــحــيـاه مـــاســاه ومــن كـــــتــرهــا
بــقـى لا انـتـهـاءهـا وابـتـداءهــا عــــجــيـب
عجبى !!
عــــلـم الـلــــوع اضـــخــم كــــتـاب فـى الارض
بـــــس الـلـى يـــغــلـط فــيـه يـــجــيــبـه الارض
امــــا الـــصـراحــه . . فـــامــرهـــا ســــــاهــل
لــــكـن لاتـــجــلـب مــال ولا تــــصــون عـــرض
عجبى !!
انــا كـــان لي أب وكــــان رئـــيـس مـــحــكــمـه
ســــتـيـن ســنـه فى قـــضـيـه واحــده اتـــرمـى
ســــــتــيـن ســــنـه وطــــلـع بــــراءه وخــــرج
يــــشـكـى الــــحــيـاه والــــمـوت لــرب الــسـمـا
عجبى !!
قــــــــالــــوا ابـن آدم روح وبـــــدنــه كــــــفـن
قــــالــوا لأ بـدن . . قـــالـوا لأ ده روح فى بــدن
رفـــــرف فــــؤادى مـــع الـــرايــات فى الــهــوا
انــــا قـــــــلـت لأ روح فـى بــــدن فـى وطـــــن
عجبى !!
