نهار مسحور
ليه بسمة البنت الجميله
الصبح
ربكتنى ؟؟
خلتنى أبدأ نهار
ماهوش معقول
انا اللى سرحت روحى
مع ريحة البن اللى جايه م الماضى
ازاى راح اوصف ؟
طعم الصباح الدافى
فى نص يناير البردان
وشمس
فردت ضيها على الحيطان
وع الكفوف الرقيقه لزحمة التلاميذ
يتهز غصن الروح
من ريحة الياسمين
على ناصية الشارع
وصوت خطوة البنت ع الاسفلت
خلانى لـيه انشـغلــت
بلحن لغنوه منسيه
خلانى افرد خطــوتى
وابدأ نهار مسـحور
بـهديل طـيور الـروح
على حافة الشبابيـك
