دعوات زوزو بنت بلدنا
_______________
تِنشَل
يا اللي بتقعد ع السكة
وتلم الضحك الواقع م الناس ترميه
تِنشَل
يا اللي ما بيهمكش
بكرة هاييجي شايل لنا آيه
تِنشَل
يا اللي بتجري بعربيتك
من غير ما تحاسب علي غنوة عيِّل
كان ماشي بيحلم
وتعَفَّر علي حِلمه فتعميه
تِنشَل
يا اللي بتمشي علي الترعة
من غير ما يهمك ميِّتها
ولا شَكوِتها ولا حواديتها
وبتقرف من ناسها وطينتها
وتعمل بيه
تنشل
_________
هامش :
وظل الناس في العزبة يوصي بعضهم البعض... ما تنسانيش في الدعاء ويتمنوا الا تذكرهم زوزو