๑۩۞۩๑ كدبة كبيرة ๑۩۞۩๑
و كمان عاملّى فيها غضبان
تظلم فيا و تجرج فيا
و تطلع فِ الاخر غلبان
ما انت من الأول غلطان
مش من حقك تزعل منى
و لا تخاصمنى و لو لثوانى
منا لو هُنت عليك تظلمنى
بكرة تلف و ترجع تانى
مش طبيعى
إن أى كلام ما بيننا ..
أصبح ينتهى بخصام
طب إيه بقا ..
ينفع كدا ؟؟
دانا لما كان حد يزعلنى
كنت بجرى عليك و اشكيلك
دلوقتى بقا و انت مزعلنى ..
بالله عليك ...
طب حا اشكى لمين
لما انت جسمك حساس أوى
و بيتعبك قُربك مِ البحر
كنت مصاحب موجُه ليه
كنت تعشّم قلبي ليه ؟
أنا كنت كل ماحاول أبعد
ألاقيك بتقرّب أوى
و كنت باجى كتير على نفسي
و انا اللى اصالحك
أنا بالفعل حقيقي راهنتك ..
و كان رهانى كبير على حُبك
لكن رهانى طلع خسران
و مش ذنبي إنّ
أعيش طول عمرى و انا جنيك
و فِ الآخر تكون ندمان
قُلتلى مفيش حد قبلِك
قلتلَك .. طب إيه كمان
قلت أحلى ما ف حياتى ..
هو إنتى
ياللى روحِك فِ المكان
و اتضح إنك بتكدب
حتى صوتك كان بيكدب
لما كان ينطق "حبيبتى"
( مستحيل بعدِك حاعيش )
و ان ( كل حياتى قبلِك ..
ما تساويش )
كنت بارع فِ الحوار
قدرت تخدعنى بجدارة
و الأمارة .....
كل كلمة قلتهالى
و كل لحظة حب حلوة
عيشتها بس ف خيالى
مانت أصلك م البداية
كدبة كبيرة و للأسف ..
صدقتها !!